ბაქოში ვიზიტის ფარგლებში, ფინანსთა მინისტრის მოვალეობის შემსრულებელი ნოდარ ხადური აზიის განვითარების ბანკის პრეზიდენტს ტაკეჰინო ნაკაოს შეხვდა.

ნოდარ ხადურმა აზიის განვითარების ბანკის პრეზიდენტს მადლობა გადაუხადა იმ დახმარებისთვის, რომელსაც ADB-ი იჩენს  საქართველოს მიმართ და იმედი გამოთქვა, რომ ეს დახმარება მომავალშიც გაგრძელდება.

„აზიის განვითარების ბანკი საქართველოს ერთ-ერთი ყველაზე სანდო და მნიშვნელოვანი პარტნიორია. ბანკის მხარდაჭერით, ქვეყანაში ხორციელდება პროექტები როგორც საჯარო, ისე კერძო სექტორში. ჩვენ ვთანამშრომლობთ ისეთი მიმართულებებით, როგორიცაა: გზების მშენებლობა, წყალმომარაგება, ნაპირსამაგრი სამუშაოები. დარწმუნებული ვარ, მომავალში ჩვენი პარტნიორობა წარმატებით გაგრძელდება“, - განაცხადა ნოდარ ხადურმა.

შეხვედრაზე განიხილეს საქართველოში აზიის განვითარების ბანკის მხარდაჭერილი ისეთი გრძელვადიანი საინვესტიციო პროექტები როგორიცაა სხვადასხვა ქალაქებში წყალმომარაგების სისტემების სარეაბილიტაციო და კანალიზაციის მშენებლობის სამუშაოები, ინფრასტრუქტურული პროექტები, მათ შორის, თბილისი-რუსთავის დამაკავშირებელი ავტომაგისტრალის (მეორე მონაკვეთი) მოდერნიზაციის სამუშაოები,  ანაკლიის ნაპირდაცვის ღონისძებები და სხვა.

დღესვე, ნოდარ ხადური აზიის განვითარების ბანკის ცენტრალური და დასავლეთ აზიის დეპარტამენტის გენერალურ დირექტორს კლაუს გერჰოიზერს შეხვდა. შეხვედრაზე განიხილეს რეგიონში, მათ შორის, საქართველოში არსებული ეკონომიკური ვითარება და ორმხრივი თანამშრომლობის საკითხები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეფე ჩარლზ III - მე და ჩემი მეუღლე გულთბილად ვულოცავთ ქართველ ხალხს საქართველოს დამოუკიდებლობის დღეს

აშშ-ის სამხედროებმა სამხრეთ ირანში დარტყმები განახორციელეს

მარკო რუბიო - ჩვენ ვდგავართ ქართველი ხალხის გვერდით მდგრადი უსაფრთხოების, თავისუფლებისა და დამოუკიდებლობისკენ მათ სწრაფვაში

ხორვატია, ბულგარეთი და სერბეთი საქართველოს დამოუკიდებლობის დღეს ულოცავენ