საქართველოს პრეზიდენტი გიორგი მარგველაშვილი ამწუთებში ბელარუსის რესპუბლიკის პრეზიდენტ ალექსანდრე ლუკაშენკოს პირისპირ ხვდება. 

შეხვედრის დაწყებამდე ავლაბრის რეზიდენციაში დახვედრის ოფიციალური ცერემონია გაიმართა.

გიორგი მარგველაშვილმა ბელარუს კოლეგას, ალექსანდრე ლუკაშენკოს  დახვედრის ოფიციალურ ცერემონიაზე  საქართელოში აკრედიტებული  დიპლომატიური კორპუსის  წარმომადგენლები და საქართველოს მთავრობის  წევრები წარუდგინა. ცერემონიას საქართველოს საგარეო  საქმეთა მინისტრი  თამარ ბერუჩაშვილი, საქართველოს ეკონომიკისა და მდგრადი განვითარების  მინისტრი  გიორგი კვირიკაშვილი, პრეზიდნეტის ადმინისტრაციის უფროსი  დავით პატარაია, უშიშროების საბჭოს მდივანი ირინე იმერლიშვილი, საქართველოს ელჩი ბელარუსში  დავით კოტარია, პრეზიდენტის ადმინისტრაციის უფროსის მაოდგილე გიორგი აბაშიშვილი და პრეზიდენტის  მრჩეველი საგარეო ურთიერთობათა საკითხებში თენგიზ ფხალაძე ესწრებოდნენ.

თავის მხრივ, ალექსანდრე ლუკაშენკომ გიორგი მარგველაშვილს  ბელარუსის სახელმწიფო  დელეგაციის წევრები გააცნო: ბელარუსის ვიცე-პრემიერი მიხაილ რუსი, საგარეო საქმეთა მინსიტრი ვლადიმერ მაკეი, შინაგან საქმეთა მინისტრი იგორ შუნევიჩი,სოფლის მეურნეობის მინისტრი  ლეონიდ ზაეცი, განათლების მინისტრინ მიხაილ ჟურაკოვი და  მრეწველობის მინისტრი ვიტალი ვოვკი.

საქართველო-ბელარუსის პრეზიდენტების შეხვედრის შემდეგ პრეზიდენტებისა და დელეგაციების  გაფართოებული შეხვედრა გაიმართება, რომლის დასრულების შემდეგ კი, პრეზიდენტები ერთობლივ პრესკონფერენციას გამართავენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე - გვარამიას, ზურაბ ჯაფარიძის, სალომე ზურაბიშვილის და ასეთი ადამიანების დაძახებულზე 5000 კაცი გამოდის, წარმატებაა

მათში გამჯდარია და გარანტია აქვთ დაუსჯელობის სინდრომის - სამუშია პოლიციელებზე

კობახიძე: ვნახე კადრები, შესაბამის უწყებებს უნდა ჰქონდეთ და ექნებათ სათანადო რეაგირება

ქართული ოცნების პოლიტიკის გარდაუვალი შედეგია – თავისუფლების მოედანი გორში მომხდარზე