მამა გიორგი მამალაძის ადვოკატის, მიხეილ რამიშვილის განცხადებით, დღეს დაკითხულმა ერთ-ერთი შპს-ს დირექტორმა განაცხადა, რომ მამა გიორგი მამალაძე მისი პირადი სულიერი მამა იყო და დეკანოზს კომპანიის თანამშრომლებთან ურთიერთობები ჰქონდა როგორც სულიერ მოძღვარს.

ამასთან, რამიშვილის თქმით, აღნიშნული კომპანიის დირექტორი პირადი გადაწყვეტილებით ახორციელებდა ქველმოქმედებას და ყოველთვიურად ურიცხავდა გარკვეულ თანხას მამა გიორგი მამალაძეს.

„მოწმემ ბრძანა, რომ მამაო იყო მისი ოჯახის და მისი პირადი სულიერი მამა და შესაბამისად, როცა მოხდა შპს-ს დაფუძნება, კომპანიის თანამშრომლებთან ურთიერთობები მამა გიორგის ჰქონდა, როგორც სულიერ მოძღვარს. ქალბატონი თავისი პირადი გადაწყვეტილებით, რადგან იყო ამ კომპანიის მესაკუთრე, ქველმოქმედებას ახორციელებდა და შემოწირულობაზე იყო მამა გიორგი,  ყოველთვე ურიცხავდა გარკვეულ თანხას. მან მანამდეც არაერთხელ თქვა, რომ ბევრი სასულიერო პირისთვის გაუწევია ქველმოქმედება“, - განაცხადა მიხეილ რამიშვილმა და კიდევ ერთხელ განმარტა, რომ არ არსებობს არავითარი „შპს-ს მამაო“ და გიორგი მამალაძე თანხას ქველმოქმედების სახით იღებდა. „შპს-ს დამფუძნებელი და დირექტორი ვიცი, „შპს-ს მამაო“ არ ვიცი“, - აღნიშნა რამიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი სომხეთიდან ხილისა და ბოსტნეულის იმპორტს ზღუდავს

ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია