სახელმწიფოს ხელშეწყობით განახლებული მრავალპროფილიანი „მცხეთის სამედიცინო ცენტრის“ პრეზენტაციას პრემიერ-მინისტრი გიორგი კვირიკაშვილი შრომის, ჯანმრთელობისა და სოციალური დაცვის მინისტრ დავით სერგეენკოსთან ერთად დაესწრო და ახალგახსნილი კლინიკა დაათვალიერა.

„წმინდა მეფე მირიან და დედოფალ ნანას სახელობის მცხეთის სამედიცინო ცენტრის“ აღსადგენად ქართულმა მხარემ 10 მილიონი ლარის ინვესტიცია განახორციელა. კლინიკას სრული რეაბილიტაცია ჩაუტარდა და უახლესი თაობის სამედიცინო ინვენტარით აღიჭურვა. ცენტრი 100 საწოლზეა გათვლილი. ადგილზე გადაუდებელი სამედიცინო დახმარების (Emergency), რეანიმაციული და ინტენსიური თერაპიის განყოფილებები ფუნქციონირებს. ახალგახსნილი კლინიკა საყოველთაო ჯანდაცვის პროგრამაშია ჩართული.

ჯანდაცვის მინისტრმა აღდგენილი სამედიცინო ცენტრის ისტორიულ და გეოგრაფიულ მნიშვნელობაზე გაამახვილა ყურადღება.

„ამ ადგილზე დიდი ტრადიციების მქონე, მრავალპროფილიანი კლინიკა იყო. სამწუხაროდ, მისგან მხოლოდ ბეტონის საყრდენები დარჩა. ბოლო 3 წლის განმავლობაში, აქ 10 მლნ ლარის ინვესტიცია განხორციელდა. კლინიკას სრული რეაბილიტაცია ჩაუტარდა და აღიჭურვა. ეს დაწესებულება მნიშვნელოვნად განტვირთავს ჩრდილოეთის და დასავლეთის მიმართულებით არსებულ რისკებს, ვგულისხმობ, როგორც ავტოსაგზაო შემთხვევების შედეგად დაშავებულების მართვას, ისე გადაუდებელი და გეგმური სერვისების მიწოდებას. მიხარია, რომ ეს ისტორიული ადგილი ისევ აღდგა და ვითარდება“, - აღნიშნა დავით სერგეენკომ.

მცხეთის სამედიცინო ცენტრში სერვისების სრული სპექტრია წარმოდგენილი. კლინიკამ პირველი პაციენტები უკვე მიიღო. ადგილზე 250-მდე პირია დასაქმებული.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოპოზიციურმა ალიანსმა პატიმრების ოჯახებისთვის თანხების შეგროვების კამპანიის დაწყების შესახებ განაცხადა.

გვარამიამ საქართველოში ახალი საპროტესტო აქციები და „ახალი რეალური არჩევნები“ დააანონსა

ზელენსკი: უკრაინა მზადაა საქართველოსთან ორმხრივად სასარგებლო ურთიერთობებისთვის

უკრაინის საგარეო საქმეთა მინისტრმა ეუთოს საგანგებო შეხვედრაზე საქართველოს მხარდაჭერისთვის მადლობა გადაუხადა.