ჩიტაძის ქუჩაზე კიდევ ერთი პირი დააკავეს. როგორც "ექსპრესნიუსის" კორესპონდენტი ადგილიდან იუწყება, დაკავებულია ომის ვეტერანი  იურა კვარაცხელია.

 კვარაცხელიამ ჟურნალისტებთან საუბრისას განაცხადა, რომ  საგარეო საქმეთა სამინისტროსა და 47-ე სკოლის მიმდებარე ტერიტორიაზე მისმა მეგობარმა გაისროლა.

"ვეტარანები ვქეიფობდით, აღდგომას აღვნიშნავდით და მოგვინდა გასროლა. ჩემმა მეგობარმა გაისროლა",-განმარტა კვარაცხელიამ.

აღსანიშნავია, რომ ცოტა ხნის წინ შინაგან საქმეთა სამინისტროში განაცხადეს, რომ შეიარაღებული პირი, რომელმაც ჩიტაძის ქუჩაზე გაისროლა, უკვე დაკავებულია.

იურა კვარაცხელიამ კი, ჟურნალისტების კითხვაზე-დაკავებულია თუ არა მისი მეგობარი, რომელმაც ცეცხლსასროლი იარაღიდან გაისროლა,  ასე უპასუხა:

"არ დაუკავებიათ, აგერ არის უკან მომყვება"

თუმცა პოლიციას მასთან ერთად სხვა პიროვნება არ გაუყვანია.

 47-ე სკოლის მოპირდაპირე მხარეს, ის სადარბაზო,  საიდანაც  იურა კვარაცხელია გამოიყვანეს, ყვითელი ლენტითაა შემოსაზღვრული. 

"ექსპრესნიუსის" კორესპონდენტი  დეტალების გასარკვევად ადგილზე რჩება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინაში დააკავეს მართლმადიდებელი მღვდელი, რომელიც რუს ოკუპანტებს რაკეტების დარტყმის სამიზნეებს აძლევდა

პაპუაშვილი - 26 მაისის საპროტესტო აქცია რადიკალური ოპოზიციისთვის სიკვდილით დასჯად იქცა

პროკურატურამ საბავშვო ბაღში ბავშვის ცემაში ეჭვმიტანილ მასწავლებელს ბრალდება წარუდგინა

ბრიტანეთის მიერ დასანქცირებული ქართული კომპანიების წინააღმდეგ გამოძიება დაიწყო