სამების ტაძარში გარდამოხსნის რიტუალი შესრულდა

2015-04-10 16:33:59, 727 ნახვა

საზოგადოება

სამების ტაძარში გარდამოხსნის რიტუალი შესრულდა. გარდამოხსნის წესი საქართველოს კათოლიკოს-პატრიარქმა ილია მეორემ სასულიერო პირებთან ერთად აღასრულა.

გარდამოხსნის წესის შესრულებამდე სადგამი-საფლავი მომზადდა, რომელიც ტაძრის შუაგულშია მოთავსებული.სადგამის გარშემო დალაგებულია აღდგომის დღესასწაულის სიმბოლოები – პასკა, კვერცხი და ჯეჯილი.

გარდამოხსნა ეს არის საგანგებოდ მოხატული დიდი ქსოვილი, რომელზეც საფლავში ჩასვენებული მაცხოვარია ამოქარგული.

გარდამოხსნა ტაძრის შუაგულში აღდგომამდე იქნება დასვენებული.

ამწუთებში კი, სამების ტაძარში უფლის დატირების რიტუალი მიმდინარეობს.სრულდება დავით გურამიშვილის ტექსტზე შექმნილი საგალობელი, რომლითაც უკვე 35 წელია ხდება უფლის დატირება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან