2017-04-12 12:51:17, 1961 ნახვა

---

კალაძე: „გაზპრომთან“ გაფორმებული ხელშეკრულება იძლევა შესაძლებლობას, რომ რუსულ ბუნებრივ აირზე დამოკიდებული არ ვიყოთ

საქართველოს ენერგეტიკის მინისტრის კახი კალაძის განცხადებით, „გაზპრომთან“ გაფორმებული ხელშეკრულება, იძლევა შესაძლებლობას, რომ საქართველო რუსულ ბუნებრივ აირზე დამოკიდებული არ იყოს.

როგორც კალაძემ ჟურნალისტებთან საუბარში განმარტა, "გაზპრომისგან" მიღებული თანხით საქართველო აზერბაიჯანისგან და ირანისგან ბუნებრივი აირის შეძენას შეძლებს.

"თუმცა, დღევანდელი გადმოსახედიდან ჩვენ მივიღეთ გადაწყვეტილება, რომ სრულიად დავიტვირთოთ აზერბაიჯანული ბუნებრივი აირით.

ხელისუფლებას 2-წლიანი ხელშეკრულება აქვს, რომლის დასრულების შემდეგ ჩვენ ვიქნებით უფრო მყარ პოზიციებზე, რადგან გვექნება წყალსაცავი, ასევე იქნება დასრულებული შაჰდენიზის პროექტი და გვექნება უფრო მეტი ბერკეტები და შესაძლებლობები, რომ ვესაუბროთ "გაზპრომს" თუნდაც 10%-ზე გადასვლაზე", - დასძინა კალაძემ.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი