საპარლამენტო უმრავლესობის წევრის, კობა ნარჩემაშვილის განცხადებით, საზოგადოების სურვილია, რომ კონსტიტუციაში ქორწინების დეფინიციის ასახვა მოხდეს.

მისი თქმით, ამ საკითხთან დაკავშირებით კომისიის წევრებს შორის აზრთა სხვადასხვაობაა. ნარჩემაშვილმა აღნიშნა, რომ უმრავლესობის პოზიციაა, კონსტიტუციაში ქორწინების დეფინიციის ასახვა მოხდეს

გარდა ამისა, დეპუტატის ინფორმაციით, გამოითქვა მოსაზრებები, რომ ეს საკითხი დარეგულირდეს კანონმდებლობით და არა კონსტიტუციური ჩანაწერით.

 კომისიის დღევანდელ სხდომაზე აღნიშნულ საკითხზეც  იმსჯელებენ.

„პირადად ჩემი პოზიცია იმის გათვალისწინებით, რომ კონსტიტუცია მაინც არ არის მარტო სამართლებრივი დოკუმენტი, რა საკვირველია ის ეფუძნება სამართლებრივ პრინციპებს, კონსტიტუციონალიზმის პრინციპებს, მაგრამ ეს არის გარკვეული ასახვა პოლიტიკური ვითარების, პოლიტიკური რეალობის, ლოგიკის და მორალის. აქედან გამომდინარე, ვთვლი, რომ ის განწყობები, რაც ახლაა საზოგადოებაში, რომელიც აშკარად მიგვანიშნებს, რომ მათი სურვილია ეს აისახოს, ვთვლი, რომ უნდა აისახოს ასეთი ჩანაწერი კონსტიტუციაში, თუმცა ვნახოთ, ვიმსჯელებთ ამ საკითხთან დაკავშირებით, არსებობს სხვა მოსაზრებებიც, რომ ის დარეგულირდეს სხვა კანონმდებლობით და არა კონსტიტუციური ჩანაწერით, ამაზე გვექნება კონკრეტულად საუბარი“, - განმარტა კობა ნარჩემაშვილმა .

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა