საქართველოს პარლამენტის თავმჯდომარემ პრეზიდენტ გიორგი მარგველაშვილის სიტყვით გამოსვლა შეაფასა და გაიზიარა კოლეგების მოსაზრება, რომ მოხსენებას ობიექტურობა აკლდა.

კობახიძის განცხადებით, ძალიან  მძიმე მოსაზრება დაიხატა პრეზიდენტის მოხსენებაში, რაც   რეალობას აცდენილია.

„შეგახსენებთ რამდენიმე ფრაზას - „იყო ძალაუფლების კონცენტრაციის საფრთხე და ეს საფრთხე იქცა სერიოზულ პრობლემად“, არის საკმაოდ მძიმე განცხადება, „მმართველი ძალა ჩაიკეტა საკუთარ თავში“, მძიმე განცხადებაა, ასევე საუბარი იყო იმაზე, რომ „მოქალაქე დაუცველია, როდესაც ხელყოფილია მისი უფლება, ილოცოს, როდესაც მას ამცირებენ ეთნიკური წარმომავლობის გამო, როდესაც მას ჩაგრავენ სექსუალური ორიენტაციის გამო, როდესაც მას არასათანადოდ  ეპყრობიან სამართალდამცავები, როდესაც მას დევნიან პოლიტიკური და სხვა ნიშნით, როდესაც მას უკანონოდ უსმენენ“ .ეს ძალიან მძიმე ფრაზებია, გასაგებია, რომ თავში და ბოლოში განეიტრალებული იყო, მაგრამ ადვილი გამოსაცნობი იყო, რომ მედია ამ ფრაზებს გამოიყენებდა ზუსტად ისე, როგორც გამოიყენა და აქცია ეს ფრაზები ე.წ. ჰედლაინებად, რომელიც არის მთლიანად აცდენილი დღევანდელ რეალობას. ასევე საუბარი იყო სახიფათო  და გაუმჭვირვალე პროცესებზე მედიასივრცეში, ასევე მძიმე შეფასებაა. სასამართლო კრიზისი, უმძიმესი შეფასებაა. საუბარი იყო იმაზე, რომ ხალხს ვართმევთ პრეზიდენტის არჩევის უფლებას, რომ ეს არ უნდა იყოს დღევანდელ, ან მომავალ პრეზიდენტზე, დღევანდელ, ან  ყოფილ პრემიერზე დამოკიდებული. ეს იყო პირდაპირ მინიშნება ე.წ. არაფორმალურ მმართველობაზე, რომელსაც არანაირი მტკიცებულება, მითუმეტეს ამ კონკრეტულ შემთხვევაში არ აქვს. ძალიან მძიმე ფრაზაა, საუბარი იყო მრავალჯერ იმედგაცრუებულ ამომრჩეველზე. რაც შეეხება რეალობას, არ არის ისეთ ფერებში დახატული, როგორც მაგალითად შვეიცარიაში, მაგრამ ის სურათი, რაც დღეს იყო წარმოდგენილი, დღევანდელ რეალობას არ შეესაბამება. როცა ვსაუბრობთ რეალობაზე, სრულფასოვნად უნდა წარმოვაჩინოთ სურათი“,-აღნიშნა ირაკლი კობახიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა