საქართველოს პრეზიდენტი და პირველი ლედი აუტიზმთან ბრძოლის საერთაშორისო დღესთან დაკავშირებით გამართულ საქველმოქმედო გალა-კონცერტს დაესწრნენ, ღონისძიებაზე საქართველოს კათოლიკოს-პატრიარქი უწმინდესი და უნეტარესი ილია მეორეც იმყოფებოდა.

„მინდა მადლობა ვუთხრა ყველა იმ ადამიანს, ვინც მონაწილეობა მიიღო ამ საქველმოქმედო აქციაში და გამოვთქვა რწმენა, რომ ეს თემა კიდევ უფრო გაღრმავდება ჩვენს საზოგადოებაში და უფრო მეტი ადამიანი ჩაერთვება ამ ძალიან კეთილი საქმის განხორციელებაში“,- განაცხადა გიორგი მარგველაშვილმა.

კონცერტი „განსაკუთრებული ბავშვების“ დასახმარებლად მათი მშობლების მიერ იყო ორგანიზებული, რომელზეც პატრიარქის მიერ შექმნილი ნაწარმოებები შესრულდა.

აუტიზმის საერთაშორისო დღეს მსოფლიო ყოველწლიურად 2 აპრილს აღნიშნავს და ქვეყნის სიმბოლოებს ღია ლურჯ ფერად ანათებს. საქართველოც შეუერთდა ამ აქციას და კონცერტის დროს ფილარმონიის გარე ფასადი ლურჯად განათდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მარკო რუბიო სომხეთში ჩავიდა

მაკა ბოჭორიშვილს უმაღლესი დიპლომატიური რანგი მიენიჭება - დანამატის სახით მიიღებს ₾1 360-ს

Euractiv: ევროკავშირს სურს მოლაპარაკებების დაწყება უკრაინის 18 ივნისის სამიტში ჩართვასთან დაკავშირებით.

გვარამია: ხალხისთვის ხელის შეშლას არ ვაპირებთ, როცა დაიშლებიან, მოვახდენთ სცენის მონტაჟს