გადაცემის „რეალური სივრცე“ წამყვანი ნინო ზაუტაშვილი საზოგადოებრივ მაუწყებელთან შეკრებილ აქციის მონაწილეებს შეხვდა.

როგორც ზაუტაშვილმა აღნიშნა, საზოგადოებრივი მაუწყებელი არის საზოგადოების ტელევიზია და მის ბედს მხოლოდ საზოგადოება გადაწყვეტს.

ამასთან, ზაუტაშვილის ინფორმაციით, ტელევიზიაში არსებული საინიციატივო ჯგუფი საზოგადოებრივი მაუწყებლის განვითარების ალტერნატიულ ხედვას წარადგენს.

ნინო ზაუტაშვილის განცხადებით, „რეალური სივრცე“ დღეიდან ხსნის სადისკუსიო სივრცეს  5-დან 6 საათამდე და პარასკევს საღამოს 10 საათამდე.

„ყველას, ვისაც აქვს გეგმა და მოსაზრება მაუწყებლის განვითარებასთან დაკავშირებით, მზად ვართ მოვუსმინოთ. საზოგადოებრივ-პოლიტიკური გადაცემების შეჩერება კანონითაც არასწორია და ეს ვერ მოხდება. როგორც გავიგეთ, თურმე, მხოლოდ აპარატურის გამო იყო პრობლემა. მხოლოდ აპარატურა არ აკეთებს ტელევიზიას, მას აკეთებენ ადამიანები“, - განაცხადა ნინო ზაუტაშვილმა და დასძინა, რომ დარწმუნებულია, თუკი გადაცემა „რეალური სივრცე“ ახლა შეჩერდება, ის ეთერში ვეღარასოდეს დაბრუნდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბრიტანეთის მიერ დასანქცირებული ქართული კომპანიების წინააღმდეგ გამოძიება დაიწყო

თიბისი კონცეპტი წარმოგიდგენთ თბილისის საერთაშორისო თეატრალურ ფესტივალს

კალაძე: ორი წლის წინ რეაბილიტირებულ მეტროსადგურ „ავლაბარში“ წყალი ისე ჩადიოდა, როგორც გარეთ, შეისწავლეთ საკითხი

Washington Post: აშშ-ს ყოფილი მოკავშირე საქართველო ირანის ორბიტაზე ექცევა