შსს-ს საგანგებო სიტუაციების მართვის სააგენტოს დირექტორის ზვიად ქაწაშვილის განცხადებით, სავაჭრო ცენტრ „ბავშვთა სამყაროდან“ სეიფებში არსებული ოქროს გამოტანა მიმდინარეობს.

როგორც ქაწაშვილმა ჟურნალისტებს განუცხადა, შსს უსაფრთხოების ნორმების დასაცავად ყველაფერს აკეთებს.

„კერების დაქრობა ამ დრომდე მიმდინარეობს. ეს იქიდან გამომდინარეა, რომ ჩვენ გუშინ უკვე ლოკალიზებული ხანძრის შედეგად არ მოგვეცა საშუალება შენობაში შესვლის. ადგილზე იყვნენ სპეციალისტები მოსული, რამდენიმე ჯგუფი, მათ შორის სამხარაულის ექსპერტები, რომლებმაც მეხანძრე მაშველების ტერიტორიაზე შეყვანის უფლება არ მოგვცეს, რის გამოც, იქ დარჩენილი პატარა კერების დაქრობა ვერ მოხდა. მთელი ღამის განმავლობაში 11 სახანძრო ეკიპაჟი, 80-ზე მეტი მაშველი ხანძრის ლიკვიდაციაზე მუშაობდა. ამ წუთებშიც არის რამდენიმე კერა დარჩენილი, რომელიც რამდენიმე საათში იქნება ლიკვიდირებული“, - განაცხადა ქაწაშვილმა.

მისივე თქმით, მერიას შენობასთან დაკავშირებულ საკითხებზე ყველა შესაბამისი სამსახური კონტროლზე ჰყავს აყვანილი.

„მათი დაქირავებული კომპანია აწარმოებს შენობის გამაგრებით სამუშაოებს. ხალხის შეყვანა და გადარჩენილი საქონლის შენობიდან გამოტანა უკვე დაიწყო“, - განაცხადა ზვიად ქაწაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

CENTCOM: აშშ-ის საზღვაო ძალებმა ბლოკადის დაწყებიდან, ირანთან დაკავშირებული 108 გემი ჩაკეტეს

გუტერეში: მსოფლიოში დაახლოებით 800 მილიონი ადამიანი კვლავ უკიდურეს სიღარიბეში ცხოვრობს

რუსეთი სომხეთს ევროკავშირთან დაახლოების გამო ნავთობისა და გაზის მიწოდების შეწყვეტით დაემუქრა

უკრაინამ ტაგანროგში საავიაციო ქარხანა, ვორონეჟში სამხედრო აეროდრომი და ტუაფსეში ნავთობგადამამუშავებელი ქარხანა დაბომბა