დონალდ ტუსკი „შეჩერების მექანიზმზე“ მიღწეულ შეთანხმებას ქართულად გამოეხმაურა

2016-12-08 17:08:11, 1909 ნახვა

Lifestyle

ევროკავშირის საბჭოს პრეზიდენტი დონალდ ტუსკი შეჩერების მექანიზმზე მიღწეულ შეთანხმებას Twitter-ზე ქართულად გამოეხმაურა.

"შედეგი თითქმის მიღწეულია. შეჩერების მექანიზმის განხილვა დასრულდა. ახლა უკრაინისა და საქართველოსთვის უვიზო მიმოსვლისთვის ბოლო ნაბიჯების ჯერია", - წერს დონალდ ტუსკი.

ცნობისთვის, ევროკავშირის საბჭოს პრეზიდენტი LIBE-ს კომიტეტის დღევანდელ გადაწყვეტილებას უკრაინულადაც გამოეხმაურა.

შეგახსენებთ, რომ LIBE-ს კომიტეტმა ე.წ შეჩერების მექანიზმის შეთანხმებული ვარიანტი დაამტკიცა.

ცნობისთვის, ევროკავშირის საბჭომ და ევროპარლამენტმა შეჩერების მექანიზმის თაობაზე შეთანხმებას გუშინ მიაღწიეს.

ევროპარლამენტის წევრის, საქართველოს საკითხზე მომხსენებლის მარია გაბრიელის განცხადებით, საქართველოს ვიზალიბერალიზაციაზე მსჯელობა მომავალ კვირაში დაიწყება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან