საქართველოს ყოფილმა პრეზიდენტმა, ოდესის ოლქის ყოფილმა გიბერნატორმა მიხეილ სააკაშვილმა უკრაინაში ახალი ძალების პლატფორმის დაარსების შესახებ განაცხადა, - ამის შესახებ ინფორმაციას უკრაინული მედია ავრცელებს. 

სააკაშვილის თქმით, მის მიზანს ვადამდელი საპარლამენტო არჩევნების დანიშვნა წარმოადგენს.

როგორც მიხეილ სააკაშვილმა განაცხადა, ახალი პოლიტიკური ძალა უკრაინის პოლიტიკურ ელიტას მშვიდობიანი გზით დაამარცხებს  

“ჩვენს მიზანს წარმოადგენს ვადამდელი არჩევნები უმოკლეს ვადებში...მე მჯერა, რომ ჩვენ გავიმარჯვებთ ამ ომში და მშვიდობას დავამყარებთ. ჩვენ ვქმნით ახალ, ფართო პოლიტკურ ძალას. ჩვენ მიზანს ე.წ. ელიტების შეცვლა წარმოადგენს, რომლებიც სინამდვილეში “ბარიგები” არიან, რომლებიც მთავრობას და პარლამენტს აკონტროლებენ.  ჩვენ არ მივიღებთ არავის, ვინც პარლამენტში ერთ ვადაზე მეტჯერ იყო, ვინც სახელმწიფო სამსახურში ორ წელზე მეტ ხანს იმყოფებოდა, არ იქნებიან ბიზნესმენებიც”, - აღნიშნა მიხეილ სააკაშვილმა.

სააკაშვილის ინფორმაციით, უახლოეს მომავალში ის უკრაინის რეგიონებში ჩასვლას გეგმავს.

ამასთან, მანვე აღნიშნა, რომ მას არ ექნება მოლაპარაკებები სხვა პოლიტიკური ძალების წარმომადგენლებთან, არამედ მხოლოდ ხალხთან. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა