ევროპარლამენტი 21 ოქტომბერს პირველი მოსმენით რუსეთისა და "ისლამური სახელმწიფოს" პროპაგანდის წინააღმდეგ ბრძოლის შესახებ რეზოლუციის პროექტს განიხილავს.

აღსანიშნავია, შესაბამისი დოკუმენტი ევროპარლამენტის საგარეო ურთიერთობათა კომიტეტმა 10 ოქტომბერს დაუჭირა მხარი.

როგორც რეზოლუციის პროექტშია ნათქვამი, რუსეთი "აგრესიული გზით" იყენებს ინსტრუმენტთა ფართო სპექტრს, მათ შორის სპეციალურ ფონდებს, სხვადასხვაენოვან მაუწყებლებს, საინფორმაციო სააგენტოებს, საზოგადოებრივ და რელიგიურ ჯგუფებს, სოციალურ ქსელებს და ე.წ. "ინტერნეტ-ტროლებს".

დოკუმენტის ავტორები მიიჩნევენ, რომ რუსეთის ხელისუფლება პროპაგანდას ევროპული ღირებულებების კითხვის ნიშნის ქვეშ დასაყენებლად და ევროპაში განხეთქილების პროვოცირებისთვის იყენებს.

დოკუმენტის თანახმად, რუსეთი სწრაფად ააქტიურებს თავის საქმიანობას ევროპაში, რომლის მიზანია რუსული გავლენის გავრცელება და აღმოსავლეთევროპული ქვეყნების სუვერენიტეტის შელახვა.

ევროპელი პოლიტიკოსები პროპაგანდისტების ჯგუფს "ისლამურ სახელმწიფოსაც" მიაკუთვნებენ. ამისათვის, რეზოლუციის პროექტის ავტორები საჭიროდ მიიჩნევენ საზოგადოების, განსაკუთრებით ახალაგზრდების, რადიკალიზაციისგან დაცვას, ასევე ტერორისტული დაჯგუფებისთვის დაფინანსების წყაროების გადაკეტვას.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა

ადვოკატის ცნობით, დააკავეს მოქალაქე, რომელზეც გორში პოლიციელებმა იძალადეს

ალიანსი: გორში მომხდარი ქართული ოცნების ძალადობრივი სისტემის მორიგი სასტიკი დანაშაულია

ვოლოდიმირ ზელენსკიმ საჰაერო თავდაცვის სისტემების დეფიციტის შესახებ დონალდ ტრამპს წერილი გაუგზავნა