დედაქალაქის მერმა დავით ნარმანიამ ტრანსპორტის საქალაქო სამსახურის უფროსის პოსტზე გიორგი გურგენიძის კანდიდატურა დაასახელა.

როგორც ნარმანიამ მერიაში გამართულ ბრიფინგზე განაცხადა, გურგენიძე პროფესიით ბიზნეს ადმინისტრირების და სახელმწიფო მმართველობის მაგისტრია. 2014 წლის სექტემბრიდან ის იყო სოფლის მეურნებობის პროექტების მართვის სააგენტოს ადმინისტრაციული სამსახურის უფროსი, მანამდე კი, პრეზიდენტის ადმინისტრაციის უფროსის მოადგილე. გურგენიძე წლების განმავლობაში საქართველოს რკინიგზაში სხვადასხვა წამყვან პოზიციებზე მუშაობდა. 

„მე მჯერა, რომ მისი გამოცდილება ტრანსპორტის და ადმინისტრირების მართვის თვალსაზრისით  თბილისის მერიას მნიშვნელოვნად წაადგება და ის წარმატებულად გაართმევს თავს დედაქალაქის განვითარების ერთ–ერთ პრიორიტეტულ მიმართულებას“, – აღნიშნა ნარმანიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნატო რუსეთის საზღვრებთან 60 000 ჯარისკაცამდე გააძლიერებს თავის ყოფნას

ოპოზიციურმა ალიანსმა პატიმრების ოჯახებისთვის თანხების შეგროვების კამპანიის დაწყების შესახებ განაცხადა.

გვარამიამ საქართველოში ახალი საპროტესტო აქციები და „ახალი რეალური არჩევნები“ დააანონსა

ზელენსკი: უკრაინა მზადაა საქართველოსთან ორმხრივად სასარგებლო ურთიერთობებისთვის