2016 წლის იანვარ-აგვისტოში ნაერთი ბიუჯეტის საგადასახადო შემოსავლებმა 5 მილიარდ 655,3 მილიონი ლარი შეადგინა, რაც 504 მილიონი ლარით, 9.8%-ით აღემატება 2015 წლის ანალოგიურ მონაცემებს. ეს მაჩვენებელი 2016 წლის 9 თვის გეგმის - 89,0%, ხოლო წლიური გეგმის 65,1%-ია. შედარებისთვის, 2015 წელს ნაერთი ბიუჯეტის საგადასახადო შემოსავლების 8 თვის ფაქტიურმა მაჩვენებელმა 9 თვის ფაქტიურ მაჩვენებელთან მიმართებაში 87,2%, ხოლო 12 თვის მაჩვენებელთან მიმართებაში - 57,5% შეადგინა.

რაც შეეხება სახელმწიფო ბიუჯეტის საგადასახადო შემოსავლებს, მიმდინარე წლის იანვარ-აგვისტოს საგადასახადო შემოსავლებმა შეადგინა 5 მილიარდ 177,7 მილიონი ლარი, რაც 310,3 მლნ ლარით, 6,4%-ით აღემატება 2015 წლის ანალოგიურ მონაცემებს. ეს მაჩვენებელი 2016 წლის 9 თვის გეგმის 88,8%, ხოლო წლიური გეგმის 64,9%-ია. გასულ წელს სახელმწიფო ბიუჯეტის საგადასახადო შემოსავლების 8 თვის ფაქტიურმა მაჩვენებელმა 9 თვის ფაქტიურ მაჩვენებელთან მიმართებაში - 86,9%, ხოლო 12 თვის მაჩვენებელთან მიმართებაში 64,5% შეადგინა.

წინასწარი მონაცემებით, სახელმწიფო ბიუჯეტის ხარჯვამ 2016 წლის იანვარ-აგვისტოში შეადგინა 6 მილიარდ 400 მილიონი ლარი, რაც 9 თვის გეგმის 83,9%, ხოლო წლიური გეგმის 63,1%-ია. 2016 წლის პირველ 8 თვეში დახარჯულია 384,6 მლნ ლარით (6,4%-ით) მეტი 2015 წლის ანალოგიურ მაჩვენებელთან შედარებით.

(NS)
 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

“ქეშბექობანა” - ლიბერთის ლოიალობის პროგრამა Cashback-ის და VISA-ს განსაკუთრებული შეთავაზებები ბავშვებისთვის

ბრიტანული დაზვერვა: უკრაინაში ომში თითქმის ნახევარი მილიონი რუსი ჯარისკაცი დაიღუპა

აშშ-ის სახელმწიფო დეპარტამენტის დელეგაციასთან კოალიცია ცვლილებისთვის ლიდერებმა შეხვედრა გამართეს

1 ივნისის შეთავაზებები მოსწავლეებისთვის საქართველოს ბანკის sCoolApp-ში