სასწრაფო სამედიცინო დახმარების ცენტრის დირექტორი თეიმურაზ ხარაშვილი აჭარის ჯანდაცვის მინისტრ ნუგზარ სურმანიძესთან ერთად ქედას, შუახევისა და ხულოს სასწრაფო დახმარების რაიონულ ცენტრებს ესტუმრა.

სსდ ცენტრის დირექტორმა ავტოპარკის განახლების შემდეგ გამოძახებებისა და სასწრაფოს მუშაობის შესახებ სტატისტიკური ინფორმაცია რაიონული მენეჯერებისგან მიიღო.

როგორც მან აღნიშნა, ტექნიკური გადაიარაღება სასწრაფოს გამართული მუშაობისთვის უმნიშვნელოვანესია.

„სასწრაფო სამედიცინო დახმარების ცენტრში ბევრი რამ შეიცვალა. ავტოპარკი, რომელიც ერთ-ერთ უმნიშვნელოვანეს პრობლემას წარმოადგენდა, 180 სპეც-ავტომობილით განახლდა. პერსონალს გადაეცა ახალი ფორმები და რაც ასევე მნიშვნელოვანია, მათი ანაზღაურება 30%-ით გაიზარდა. ამასთანავე, მათ ამ ხნის განმავლობაში პირველად მიეცათ ანაზღაურებადი შვებულებით სარგებლობის შესაძლებლობა და გასულ წელს ასევე პირველად მიიღეს მე-13 ხელფასი“, - განაცხადა თეიმურაზ ხარაშვილმა.

ისევე როგორც მთელი ქვეყნის, ქედას, შუახევისა და ხულოს სასწრაფო სამედიცინო დახმარების რაიონული ცენტრებიც აღიჭურვა. პირველ ეტაპზე მათ ახალი, სამედიცინო წესით აღჭურვილი ავტომობილები გადაეცა. სამედიცინო და არასამედიცინო პერსონალს დაურიგდა ცენტრის ბრენდის ფერებში გადაწყვეტილი უნიფორმები. სასწრაფო დახმარების პერსონალის ზამთრის ფორმის კომპლექტაცია სვიტერის, ქურთუკის და შარვლისგან შედგება.

სასწრაფო სამედიცინო დახმარების ცენტრის ტექნიკური უზრუნველყოფა გადაუდებელი სამედიცინო სერვისის გაუმჯობესებას ისახვს მიზნად.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუბიომ ვაშინგტონსა და კიევს შორის აქტიური მოლაპარაკებების არარსებობის შესახებ განაცხადა

მეფე ჩარლზ III - მე და ჩემი მეუღლე გულთბილად ვულოცავთ ქართველ ხალხს საქართველოს დამოუკიდებლობის დღეს

აშშ-ის სამხედროებმა სამხრეთ ირანში დარტყმები განახორციელეს

მარკო რუბიო - ჩვენ ვდგავართ ქართველი ხალხის გვერდით მდგრადი უსაფრთხოების, თავისუფლებისა და დამოუკიდებლობისკენ მათ სწრაფვაში