საქართველოს პირველი ვიცე-პრემიერი, ეკონომიკისა და მდგრადი განვითარების მინისტრი დიმიტრი ქუმსიშვილი დღეს, 12.00 საათზე, ოქროყანაში, ტექნოპარკს ეწვევა, სადაც  ,,სტარტაპ საქართველოს'' მაღალტექნოლოგიური ბიზნესიდეების ფინალისტებისთვის  ტრენინგები იწყება.  

მაღალკვალიფიციური 5 ტრენერი „სილიკონ ველიდან" ქართველ სტარტაპებს მოამზადებს იმისთვის, რომ მათ სრულყოფილად შეძლონ საკუთარი ბიზნესიდეისა და პრეზენტაციების წარდგენა უკვე 
ვენჩურული ინვესტორების წინაშე  - 24-დან 26 აგვისტოს ჩათვლით. 

სილიკონ ველის ექსპერტები ,,სტარტაპ საქართველოს'' ფინალისტებს დაეხმარებიან  პროექტების სტრუქტურის დახვეწაში, ასევე მოამზადებენ გუნდებს  ფიჩინგსა და პრეზენტაციებში.

შეგახსენებთ, რომ პროგრამა ,,სტარტაპ საქართველო" საქართველოს მთავრობის 4-პუნქტიანი გეგმის ფარგლებში ხორციელდება. პროექტს ახორციელებენ საქართველოს ეკონომიკისა და მდგრადი განვითარების სამინისტროს ინოვაციებისა და ტექნოლოგიების სააგენტო და საპარტნიორო ფონდი. 
პროგრამის განხორციელების პირველ ეტაპზე სახელმწიფომ 11 მილიონი ლარი გამოყო, რომლითაც   ინოვაციური და მაღალტექნოლოგიური სტარტაპები დაფინანსდება. სამომავლოდ, უფრო მეტი სტარტაპის დაფინანსების მიზნით, პროგრამის ბიუჯეტი შესაძლოა 35 მილიონ ლარამდე გაიზარდოს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

“ქეშბექობანა” - ლიბერთის ლოიალობის პროგრამა Cashback-ის და VISA-ს განსაკუთრებული შეთავაზებები ბავშვებისთვის

ბრიტანული დაზვერვა: უკრაინაში ომში თითქმის ნახევარი მილიონი რუსი ჯარისკაცი დაიღუპა

აშშ-ის სახელმწიფო დეპარტამენტის დელეგაციასთან კოალიცია ცვლილებისთვის ლიდერებმა შეხვედრა გამართეს

1 ივნისის შეთავაზებები მოსწავლეებისთვის საქართველოს ბანკის sCoolApp-ში