13:30 - 27 May, 2026
ჩვენ შესახებ რეკლამა/ხელმოწერა
2016-07-25 18:21:27, 1557 ნახვა

მსოფლიო
ბარაკ ობამას ძმა არჩევნებში ხმას დონალდ ტრამპს მისცემს

ბარაკ ობამას ნახევარძმაის, მალიკ ობამას განცხადებით, ნოემბერში აშშ-ის საპრეზიდენტო არჩევნებზე რესპულიკელ დონალდ ტრამპს მისცემს ხმას, - ამის შესახებ Reuters კენიაში მყოფ მალიკ ობამაზე დაყრდნობით წერს.

50 წლის მალიკ ობამა აცხადებს, რომ თავისი ძმის მმართველობით უკმაყოფილოა. მისი თქმით, ის მხარს დონალდ ტრამპის პოლიტიკას უჭერს, განსაკუთრებით უსაფრთხოების სფეროში.

"მისი მიმართვის ადრესატ პირადად მე ვარ და ვფიქრობ, ის მიწაზე მყარად დგას, ის გულწრფელად საუბრობს და არ ცდილობს, იყოს პოლიტკორექტული. ის პირდაპირია", - განაცხადა მალიკ ობამამ.

მალიკი ამბობს, რომ მას ესმის ტრამპის პოზიციის, რომელიც მუსლიმების აშშ-ში ჩასვლის წინააღმდეგია.

"მე მუსლიმი ვარ, თუმცა რა თქმა უნდა, არ შეიძლება, რომ ადამიანები დადიოდნენ, ხალხს ესროდნენ და კლავდნენ ისლამის სახელით", - განაცხადა ბარაკ ობამას ძმამ.

მალიკ ობამამ პრეზიდენტ ბარაკ ობამას თეთრი სახლში ყოფნის პერიოდი გააკრიტიკა. მისი თქმით, ობამას ამერიკელი ხალხისთვის ბევრი არაფერი გაუკეთებია. როგორც სააგენტო Reuters-ი წერს, ბარაკ და მალიკ ობამებს წარსულში ახლო ურთიერთობა ჰქონდათ.

მალიკი სტუმრობდა პრეზიდენტს ოვალურ კაბინეტში, ის ასევე ბარაკ და მიშელ ობამების ქორწილში ხელისმომკიდე იყო. ცნობისთვის, აშშ-ის მოქალაქე მალიკი 1985 წლიდან ვაშინგტონში ცხოვრობს, ის მრავალ კომპანიაში მუშაობდა, სანამ დამოუკიდებელი ფინანსური კონსულტანტი გახდებოდა.





ავტორი: ირაკლი მანაგაძე , ექსპრესნიუსის რეპორტიორი 2009 წლიდან


სოციალური ქსელები
ბრიტანეთის მიერ დასანქცირებული ქართული კომპანიების წინააღმდეგ გამოძიება დაიწყო
თიბისი კონცეპტი წარმოგიდგენთ თბილისის საერთაშორისო თეატრალურ ფესტივალს
კალაძე: ორი წლის წინ რეაბილიტირებულ მეტროსადგურ „ავლაბარში“ წყალი ისე ჩადიოდა, როგორც გარეთ, შეისწავლეთ საკითხი
Washington Post: აშშ-ს ყოფილი მოკავშირე საქართველო ირანის ორბიტაზე ექცევა
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics