ბრიტანელმა ბებიამ Google და სოციალური ქსელების მომხმარებლები გაახალისა

2016-06-16 16:45:28, 1074 ნახვა

სხვადასხვა

საძიებო სისტემა Google-მა ასაკოვანი ქალბატონის ზრდილობიან შეკითხვას უპასუხა, რომელმაც სისტემას "გთხოვთ" და "მადლობა" სიტყვებით მიმართა.

ქალის შვილიშვილმა ბენ ჯონმა ბებიის მიერ დასმული ეს ზრდილობიანი შეკითხვა "დაასქრინშოთა" და ინტერნეტში განათავსა. ზრდილობიანმა ბებიამ ინტერნეტ-მომხმარებლების ხალისი და სიყვარული დაიმსახურა.

ქალბატონის კითხვა კი ასე ჟღერდა: "თუ შეიძლება, გადამითარგმნეთ ეს რომაული რიცხვები MCMXCVIII. მადლობა,“ - შვილიშვილის ამ "სქრინშოთს" სოციალურ ქსელ Twitter-ში უამრავი მოწონება და გაზიარება მოჰყვა.

"ზრდილობიანი ბებიის" შეკითხვას Google-მაც უპასუხა:

„ბენის ძვირფასო ბებია, იმედი გვაქვს, კარგად ხართ. მილიარდობით საძიებო მოთხოვნის ნაკადში მხოლოდ თქვენ შეძელით ჩვენი გაღიმება. ეს რიცხვი არის 1998. მადლობა, თქვენ,“ - წერს Google-ი.

საძიებო სისტემის პასუხამდე, ინტერნეტის მომხმარებლები წერდნენ, რომ ბებია იმსახურებდა პასუხს, რადგან ის არის "ინგლისური ზრდილობიანი ქალბატონის მაგალითი".

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან