2025-09-09 14:43:29, 807 ნახვა

---

ოცნება მუქარის რეჟიმში - ქადაგიშვილი აცხადებს, რომ ახალგაზრდებიმოწოდებებს არ უნდა აყვნენ თორემ შემდეგ გვიანი იქნება

 ახალგაზრდები ანიტების და გაყიდული ადამიანების მოწოდებებს არ უნდა აჰყვნენ, საკუთარი თავი კანონის დარღვევის რეჟიმში არ უნდა დააყენონ, რადგან შემდეგ გვიანი იქნება. - ამის შესახებ ერთპატრიული პარლამენტის წევრმა ირაკლი ქადაგიშვილმა ჟურნალისტებს განუცხადა.

„იმის გამო, რომ ქართულ პოლიტიკაში უფრო საინტერესო არაფერი ხდება, იძულებული ვართ, ერთი კაცის აბსურდის თეატრზე კომენტარები ვაკეთოთ. აბსურდია, რასაც ხაბეიშვილი აკეთებს. ახალგაზრდები ანიტების და გაყიდული ადამიანების მოწოდებებს არ უნდა აჰყვნენ. საკუთარი თავი კანონის დარღვევის რეჟიმში არ უნდა დააყენონ, რადგან შემდეგ გვიანი იქნება. სულ მგონია, რომ ხაბეიშვილ-ბურჭულაძის სქემა ყოფილ გუნდელებზე „შემოგდებული“ ხომ არ არის? იმდენად მოკლე აზროვნების ხალხია, იმასაც კი ვერ ხვდებიან, რომ რევოლუცია „ქართული ოცნებიდან“ წასული პირების ინფორმაციაზე აქვთ აგებული. ამით ძირეულ ამომრჩეველს აჩვენებენ, რომ „ქართული ოცნებიდან“ წასულების თამაშს თამაშობენ. ამდენსაც ვერ ხვდებიან, იმდენად შეზღუდული აზროვნების არიან“, – განაცხადა ირაკლი ქადაგიშვილმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი