2025-05-16 10:31:41, 859 ნახვა

---

რუსული მედია - რუსეთის, თურქეთისა და უკრაინის დელეგაციებს შორის შეხვედრა სტამბოლში 12:30 საათზე დაიწყება

რუსეთის, უკრაინისა და თურქეთის დელეგაციებს შორის სამმხრივი შეხვედრა დღეს, მოსკოვის დროით 12:30 საათზე [თბილისის დროით 13:30 საათზე] სტამბოლში იგეგმება, - ამის შესახებ რუსულ მედიას თურქეთის საგარეო საქმეთა სამინისტროში ინფორმირებულმა წყარომ განუცხადა.

მედიის ინფორმაციით, რუსეთის, უკრაინისა და თურქეთის დელეგაციებს შორის სამმხრივ შეხვედრამდე თურქეთის, აშშ-ისა და უკრაინის დელეგაციებს შორის შეხვედრა გაიმართება.

„თურქეთი-რუსეთი-უკრაინის ფორმატში სამმხრივი შეხვედრა დოლმაბაჰჩეში, თურქეთის პრეზიდენტის ადმინისტრაციის სამუშაო ოფისში მოსკოვის დროით 12:30 საათზე დაიწყება. თურქეთის, აშშ-სა და უკრაინის შეხვედრა კი მოსკოვის დროით 10:45 საათზე დაიწყება“, - აღნიშნა წყარომ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი