კონიაკის მწარმოებლებისა და ტვირთების გადამზიდავების ერთმა ჯგუფმა სომხეთში საქართველოს საელჩოს წინ საპროტესტო აქცია გამართა. მათი თქმით, სურდათ პასუხის მოსმენა, რატომ მოწმდებოდა საქართველოში, ტრანზიტული ქვეყნებისთვის, ძირითადად რუსეთსა ან ბალტიისპირეთის ქვეყნებში ექსპორტისთვის განკუთვნილი მათი ალკოჰოლური პროდუქცია - კონიაკი.

„რადიო თავისუფლების“ სომხური სამსახურის ცნობით, მომიტინგეები ხაზს უსვამენ, რომ მათი სასმელი საქართველოში გასაყიდად არ არის განკუთვნილი და ვერ ხვდებიან კუთვნილი სატვირთო ავტომობილებისა და ალკოჰოლის ტესტირების ჩატარების მიზნით დღეების ან კვირების განმავლობაში შეყოვნების არსს.

“თუ ასე გაგრძელდა თანამშრომლებს ხელფასებს ვერ გადავუხდით. სატვირთო ავტომანქანების შეფერხებისას, სატრანსპორტო კომპანიებს დღეში მინიმუმ 100 დოლარს ვუხდით. ხელშეკრულების ვადის ამოწურვის შემთხვევაში, ჩვენ ვალდებულნი ვიქნებით გადავუხადოთ ჯარიმა საქონლის ღირებულების 100%-ის ოდენობით იმ კომპანიებს, რომლებთანაც ჩვენი პროდუქციის საცალო ობიექტებისთვის მიწოდებაზე ხელშეკრულებები გვაქვს. პროდუქციის უკან დაბრუნებას აზრი არ აქვს - სად წავიღებთ, სად გავყიდით? მოგვიწევს დაკეტვა. გავკოტრდებით“, - თქვა ჰაიკ შაჰნაზარიანმა, „შაჰნაზარიანის ღვინისა და კონიაკის სახლის“ დირექტორმა.

მისი სიტყვებით, ორი კვირის წინ კომპანია სომხეთის ეკონომიკის სამინისტროს დაუკავშირდა, თუმცა ალკოჰოლური სასმელებით დატვირთული ავტომობილები ჯერ ისევ საქართველოში დგას - ზოგი რამდენიმე კვირაა, ზოგი კი თვეზე მეტია.

აქციის მონაწილეების თქმით, კონიაკის სომეხ მწარმოებლებსა და ექსპორტიორებს საქართველოს საელჩო დაჰპირდა უახლოეს მომავალში თბილისის ოფიციალურ პოზიციის თაობაზე ინფორმაციის მიწოდებას, თუ პრობლემა დროულად არ მოგვარდება, მეწარმეები საპროტესტო აქციების გაგრძელებას აპირებენ.

ავტორი: ექსპრესნიუსი,

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა