გერმანიის ვადამდელ საპარლამენტო არჩევნებში გამარჯვებული „ქრისტიან-დემოკრატიული კავშირისა“ და „ქრისტიან-სოციალური კავშირის“ კონსერვატიული ბლოკი და „სოციალ-დეომკრატიული პარტია“ მმართველი კოალიციის ჩამოყალიბებაზე შეთანხმდნენ. პარტიებმა ბუნდესტაგში გამართულ პრესკონფერენციაზე კოალიციური შეთანხმება წარადგინეს.

„ჩვენ გვაქვს ძლიერი გეგმა, რომლითაც ერთობლივად წავიყვანთ ჩვენს ქვეყანას წინ“, – განაცხადა ფრიდრიხ მერცმა, რომელსაც, სავარაუდოდ, მაისის დასაწყისში კანცლერად დაამტკიცებენ.

მერცის თქმით, კოალიციური შეთანხმება არის ძლიერი გზავნილი მოქალაქეებისა და ევროპელი მოქალაქეებისთვის, რომ გერმანიას ეყოლება მთავრობა, რომელსაც შეუძლია მოქმედებები.

144-გვერდიანი კოალიციური შეთანხმების მიხედვით, პარტიები შეთანხმდნენ საშუალო და მცირე შემოსავლის მქონე პირებისთვის გადასახადების შემცირებასა და თავდაცვის ხარჯების გაზრდაზე. დოკუმენტში კოალიციური პარტნიორები დიდ ყურადღებას უთმობენ არალეგალურ მიგრაციასთან ბრძოლას. ფრიდრიხ მერცი აცხადებს, რომ კოალიციური მთავრობა დიდწილად დაასრულებს არალეგალურ მიგრაციას. ახალი კოალიცია სასაზღვრო კონტროლის და რეპატრიაციის წესების გამკაცრებას გეგმავს. გაფართოვდება გერმანიის მიერ დეპორტაციისთვის უსაფრთხო ქვეყნებად აღიარებული სახელმწიფოების სია.

ამასთან, ფრიდრიხ მერცმა უკრაინის მხარდაჭერის გაგრძელების პირობა დადო, პარტიების კოალიციურ შეთანხმებაში შესულია კიევის ნატო-ში გაწევრიანებისკენ სწრაფვის მხარდაჭერის პუნქტი.

პარტიები ასევე შეთანხმდნენ სამინისტროების განაწილებაზე. „სოციალ-დემოკრატიული პარტია“ შვიდ სამინისტროს ჩაიბარებს, მათ შორის ფინანსთა და თავდაცვის უწყებებს. ექვს სამინისტროს უხელმძღვანელებს „ქრისტიან-დემოკრატიული კავშირი“.

პირველად 60 წლის განმავლობაში გერმანიის „ქრისტიან-დემოკრატიული პარტია“ საგარეო საქმეთა სამინისტროს მართვას ჩაიბარებს. მისი პარტნიორი „ქრისტიან-სოციალური კავშირი“ სამ პორტფელს მიიღებს, მათ შორის შინაგან საქმეთა სამინისტროს ხელმძღვანელობას.

ავტორი: ექსპრესნიუსი,

სოციალური ქსელები

ბრიტანული დაზვერვა: უკრაინაში ომში თითქმის ნახევარი მილიონი რუსი ჯარისკაცი დაიღუპა

აშშ-ის სახელმწიფო დეპარტამენტის დელეგაციასთან კოალიცია ცვლილებისთვის ლიდერებმა შეხვედრა გამართეს

1 ივნისის შეთავაზებები მოსწავლეებისთვის საქართველოს ბანკის sCoolApp-ში

სააკაშვილი ოპოზიციას - უნდა შევწყვიტოთ მოწკმუტუნე მხვეწნელის როლში ყოფნა