დღეს 18:00 საათზე სამების ტაძარში შენდობის წესი შესრულდება

2016-03-13 15:36:30, 644 ნახვა

საზოგადოება

სრულიად საქართველოს კათოლიკოს-პატრიარქმა ილია მეორემ მრევლს შენდობის დღე მიულოცა.

როგორც უწმინდესმა საკვირაო ქადაგებისას ბრძანა, დღეს, 18:00 საათზე, სამების საკათედრო ტაძარში შენდობის წესი შესრულდება, ხოლო, ორშაბათს, სამშაბათს, ოთხშაბათს, ხუთშაბათს, სვეტიცხოვლის ტაძარში, 18:00 საათზე, ანდრია კრიტელის კანონი შესრულდება.

დღესვე ილია მეორემ რამდენიმე სასულიერო პირი დააჯილდოვა.

შეგახსენებთ, დღეს შენდობის დღეა, დღე, როდესაც ყველამ პატიება უნდა ითხოვოს ჩადენილის გამო. მიტევების კვირა განსაკუთრებული დღეა. ის წელიწადში მხოლოდ ერთხელ აღინიშნება. ამ დღეს ყოველი ადამიანი გაახელს თუ არა თვალს, უფალს სთხოვს შენდობას, ღრმად იხედება თავის სულში და რაც უფრო ცხადად ხედავს თავის ცოდვებს, მით მეტი სინანულით ევედრება უფალს მიტევებას.
ცნობილია, რომ მიტევების კვირა ჯერ კიდევ პირველ საუკუნეში დააწესეს ეგვიპტის უდაბნოში მოღვაწე მამებმა.ამ დღეს დედა ეკლესია გვასენებს, თუ როგორ დავკარგეთ მამის წიაღი.მარადიული ნეტარება,სამოთხე.ცოდვა, რომელმაც ადამიანი ღვთის წინააღმდეგ განაწყო არის ამპარტავნება.რომელსაც წმინდა მამები ცოდვათა მშობელს უწოდებენ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან