2024-11-19 14:37:01, 709 ნახვა

---

რუსეთის მიერ უკრაინის ქალაქ გლუხოვის დაბომბვას 10 ადამიანის სიცოცხლე ემსხვერპლა - არიან დაშავებულებიც

რუსეთმა უკრაინის ქალაქ გლუხოვზე იერიში მიიტანა, რასაც 10 ადამიანის სიცოცხლე ემსხვერპლა. ამის შესახებ ინფორმაციას უკრაინული მედია სუმის სამხარეო ადმინისტრაციაზე დაყრდნობით ავრცელებს.

მედიის ცნობით, თავდასხმის შედეგად დაშავდა 13 პირი, ხოლო დაღუპულებთაგან ერთი ბავშვია.

გავრცელებული ინფორმაციით, სასწავლო დაწესებულების საერთო საცხოვრებლის შენობის ნანგრევების ქვეშ, სავარაუდოდ, 3 ადამიანია მოყოლილი.

რუსეთმა ქალაქ გლუხოვზე შეტევა “შაჰედის“ ტიპის 2 უპილოტო საფრენი აპარატით მიიტანა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი