2024-09-06 14:24:11, 519 ნახვა

---

რუსები დნეპროპეტროვსკის ოლქის ერთ-ერთ ქალაქს დაესხნენ თავს - დაიღუპა ერთი და დაშავდა 40 ადამიანი [ვიდეო]

დნეპროპეტროვსკის ოლქის ქალაქ პავლოგრადზე რუსეთის თავდასხმას ერთი ადამიანი ემსხვერპლა, დაშავდა 40. ამის შესახებ ინფორმაციას ოლქის გუბერნატორი სერხი ლისაკი ავრცელებს.

ლისაკის თქმით, დაშავებულთა შორის 11 და 4 წლის 2 ბიჭი და 9 წლის გოგო არიან, საავადმყოფოში გადაყვანილი 2 მოქალაქის მდგომარეობა კი, მძიმეა.

"რუსეთის ძალებმა, სავარაუდოდ, ვორონეჟისა და როსტოვის ოლქებიდან 5 "ისკანდერ-მ"-ის ტიპის ან KN-23-ის ტიპის ჩრდილოეთ კორეის ბალისტიკური რაკეტა გაუშვეს, რომლებითაც ქალაქის სამოქალაქო ინფრასტრუქტურას ადგილობრივი დროით, დაახლოებით, დილის 10 საათზე დაარტყეს", - განაცხადეს უკრაინის საჰაერო ძალებში.

როგორც ლისაკმა აღნიშნა, სასწრაფო დახმარების სამსახურებმა ცეცხლის ლიკვიდირება შეძლეს და 5 ადამიანი გადაარჩინეს. 

სხვა დეტალები ამ დროისთვის არ ვრცელდება.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი