კახიანი თოფაძის წინააღმდეგ - დაპირისპირება მმართველ კოალიციაში

2016-02-18 19:21:34, 402 ნახვა

პოლიტიკა

მმართველ კოალიციაში დაპირისპირება მწვავდება. ფრაქცია მრეწველების წევრი გიორგი კახიანი ლიდერის განცხადებებს ღიად გაემიჯნა.

აღნიშნულ საკითხთან დაკავშირებით კახიანი აცხადებს , რომ გოგი თოფაძის მიერ ბოლო პერიოდში გაკეთებულ კომენტარებს არ ეთანხმება და მას განსხვავებული მოსაზრებები აქვს.

„მე პირადად ზოგიერთ საკითხზე, რაზეც ამ ბოლო დროს ბატონმა გოგიმ ისაუბრა და თავის მოსაზრებები დააფიქსირა განსხვავებული შეხედულებები მაქვს“,-განაცხადა კახიანმა.

მრეწველების ლიდერ გიორგი კახიანის განცხადებებზე კომენტარს გოგი თოფაძე არ აკეთებს.
თამაზ მეჭიაური, დაპირისპირებულ ფრაქციებს პარლამენტის დატოვებისკენ და მომავალ საპარლამენტო არჩევნებზე დამოუკიდებლად მონაწილეობისკენ მოუწოდებს.

რაც შეეხება ზურაბ ტყემალაძეს, ტყემალაძე კახიანს ფრაქციაში ყოფნის შესახებ გადაწყვეტილების მიღება ურჩევს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან