თუ 2024 წელს ომი გაგრძელდება და არჩევნები ჩატარდება, სახელმწიფოს ვერ მივატოვებ, რადგან მე ვარ კონსტიტუციის გარანტი და მას ნებისმიერ შემთხვევაში დავიცავ,- ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.

მისი თქმით, არჩევნები კანონის შესაბამისად, გამჭვირვალედ და დემოკრატიულად უნდა ჩატარდეს.

"თუ 2024 წელს ომი გაგრძელდება და არჩევნები ჩატარდება, სახელმწიფოს ვერ მივატოვებ, რადგან მე ვარ კონსტიტუციის გარანტი და მას ნებისმიერ შემთხვევაში დავიცავ. თუ ეს არჩევნებია, მაშინ ის ჩვენს ტერიტორიაზე უნდა ჩატარდეს, იმისათვის, რომ სამხედროებმა ხმის მიცემა შეძლონ, ფრონტის ხაზზე, ამიტომ ჩვენ დამკვირვებლები მთელი მსოფლიოდან გვჭირდება. მინდა, ყველაფერი კანონის შესაბამისად იყოს, გამჭვირვალედ და დემოკრატიულად, როგორც ეს წინა არჩევნებზე მოხდა, როცა პრეზიდენტი გავხდი.

ჩვენ არ გვაქვს უფლება, დავკარგოთ ადამიანები, რომლებიც საზღვარგარეთ წავიდნენ ლტოლვილებად. მათ უნდა ჰქონდეთ ინფრასტრუქტურა კანდიდატებისთვის ხმის მისაცემად... ჩვენ უნდა უზრუნველვყოთ, რომ დაბომბვის საფრთხე არ არსებობდეს, რომ ხალხი დაცული იყოს ტერიტორიებზე",- განაცხადა ზელენსკიმ.

ცნობისთვის, კონსტიტუციის თანახმად, უკრაინაში საპარლამენტო არჩევნები 2023 წლის შემოდგომაზე უნდა ჩატარებულიყო, ხოლო საპრეზიდენტო არჩევნები 2024 წლის მარტში. თუმცა უკრაინის კანონმდებლობა და კონსტიტუცია კრძალავს არჩევნების ჩატარებას საომარი მდგომარეობის პირობებში.

ავტორი: ექსპრესნიუსი,

სოციალური ქსელები

რუსეთი სომხეთიდან ხილისა და ბოსტნეულის იმპორტს ზღუდავს

ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია