პოლიციამ ბათუმში მიმდინარე აქციაზე რამდენიმე მოქალაქე დააკავა

2023-06-03 22:43:40, 1203 ნახვა

სამართალი

ბათუმში აქციაზე 4 პირი დააკავეს, მათ შორის 2 არასრულწლოვანი,- აღნიშნულის შესახებ ინფორმაციას რეგიონული მედია "ბათუმელები" ავრცელებს.

გამოცემის ცნობით, პოლიცია მოქალაქეებს პლაკატების გამო დაუპირისპირდა, რასაც შემდგომ აქტივისტების დაკავება მოჰყვა.

მათივე ცნობით, დაკავებულები არიან: თაზო მახარაძე, ნაციონალური მოძრაობის წევრი ლევან გორგილაძე, ლუკა ნაცვლიშვილი და ბათუმის საკრებულოს ოპოზიციონერი დეპუტატის ნოდარ დუმბაძის შვილი, გიორგი დუმბაძე. ლუკა ნაცვლიშვილი და გიორგი დუმბაძე არასრულწლოვანები არიან.

გარდა ამისა, ბათუმში დაკავებულთა შორისაა "ერთიანი ნაციონალური მოძრაობის" წევრი მირდათ ქამადაძე, რის შესახებაც ინფორმაცია პოლიტიკოსმა "პირველებს" თავად დაუდასტურა.

აღსანიშნავია, რომ ბათუმში აქცია „დაიცავი გამოხატვის თავისუფლება!“, თბილისის პარალელურად მიმდინარეობს.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,