როგორც ჩანს, რუსეთის პრეზიდენტი ვლადიმერ პუტინი ამზადებს სცენას გაეროს უშიშროების საბჭოს, როგორც ძალის დემონსტრირების პლატფორმის გამოსაყენებლად, - წერენ ომის შესწავლის ინსტიტუტის (ISW) ექსპერტები ახალ მიმოხილვაში.

გაეროში რუსეთის მუდმივმა წარმომადგენელმა, ვასილი ნებენზიამ სამშაბათს განაცხადა, რომ მოსკოვი გეგმავს გაეროს უშიშროების საბჭოს არაფორმალური სხდომის გამართვას აპრილის დასაწყისში, რათა განიხილოს "რუსეთში გადაყვანილ უკრაინელ ბავშვებთან დაკავშირებული რეალური სიტუაცია".

მისი თქმით, რუსეთი გეგმავდა შეხვედრის გამართვას პუტინისა და ბავშვთა უფლებების კომისრის მარია ლვოვა-ბელოვას დაკავების შესახებ სისხლის სამართლის საერთაშორისო სასამართლოს ორდერის გაცემამდე.
ნებენზის განცხადება, ისევე როგორც რუსეთის ოფიციალური პირების სასამართლოს ბრალდებებზე მრისხანე რეაქცია, მოჰყვა იმას, რომ კრემლის მიერ დანიშნული საოკუპაციო ადმინისტრაციის წარმომადგენლები აგრძელებენ უკრაინელი ბავშვების რუსეთში დეპორტაციის ხელშეწყობას.

ვლადიმერ პუტინმა ასევე რამდენიმე კომენტარი გააკეთა, კერძოდ, წინა დღეს ჩინეთის პრეზიდენტ სი ძინპინთან პრესკონფერენციაზე განაცხადა რუსეთის ერთგულება გაეროს წესდების მიმართ.

ნებენზისა და პუტინის კომენტარები საფუძველს იძლევა, რომ რუსეთი აგრძელებს უშიშროების საბჭოში თავისი პოზიციის გამოყენებას, -  წერენ ექსპერტები.

ავტორი: ექსპრესნიუსი,

სოციალური ქსელები

ირანი დათანხმდა გამდიდრებული ურანი ჩინეთში გაიტანოს

ლავროვმა რუბიოს ოფიციალურად აცნობა კიევზე მოსალოდნელი დარტყმების შესახებ

მოსკოვმა საქართველოში "რუსოფობიის მონიტორინგის საბჭო" შექმნა, რომელიც მოქალაქეებს უთვალთვალებს

მოსკოვმა კიევზე ახალი დარტყმების განხორციელების შესახებ განაცხადა და უცხოელებს ქალაქის დატოვებისკენ მოუწოდა