12 ივნისს რუსთავის საერთაშორისო ავტოდრომზე Summer drift party-ის გამარჯვებულები გამოვლინდნენ. 

პირველ ეტაპზე შეჯიბრება ჯიმხანა გაიმართა, რომელშიც 20-მა მოყვარულმა და პროფესიონალმა მრბოლელმა მიიღო მონაწილეობა. მონაწილეები ერთმანეთს კონკრეტული ტრაექტორიის უმოკლეს დროში დაფარვაში შეეჯიბრნენ. გამარჯვება ახალგაზრდა მრბოლელმა სანდრო თავართქილაძემ მოიპოვა, რომელსაც საჩუქრად ფულადი ჯილდო - 5000 ლარი გადაეცა.

ღონისძიების მეორე ნაწილი „Twin drift competition“-ს დაეთმო. შეჯიბრებაში, ტრადიციული დრიფტისგან განსხვავებით, ორ-ორი დრიფტერი მონაწილეობდა. საუკეთესო შედეგი ჯაბა სოროზანიშვილმა და მათე როჭიკაშვილმა აჩვენეს, რომელთაც საჩუქრად 1000 ლიტრი საწვავი გადაეცათ. 

ღონისძიების დასასრულ, მონაწილეებმა მაყურებელს კიდევ ერთი სანახაობა აჩვენეს. რუსთავის საერთაშორისო ავტოდრომზე „დრიფტ მატარებელში“ მონაწილეობა 10-მდე დრიფტერმა მიიღო. 

გუგა კირვალიძე, ორგანიზატორი: „მიხარია, რომ რუსთავის საერთაშორისო ავტოდრომზე კიდევ ერთხელ გავაერთიანეთ ავტომოყვარულები. დღევანდელ შეჯიბრებაში მონაწილეები გვყავდა როგორც წრიული რბოლიდან, ისე აღმართის დაძლევიდან, პროფესიონალი დრიფტიდან, ასპარეზობდნენ მოყვარულებიც. დღეს ჩვენმა დრიფტერებმა მაყურებელს ძალიან კარგი შოუ აჩვენეს და ვფიქრობ, ეს ემოციები დიდხანს გაგვყვება“. 

 რუსთავის საერთაშორისო ავტოდრომზე Summer drift party „თეგეტა ჰოლდინგისა“ და ნავთობკომპანია „გალფის“ მხარდაჭერით გაიმართა.

ავტორი: R (რეკლამა),

სოციალური ქსელები

ორდღიანი ძებნის შემდეგ, დაკარგული მწყემსი მდინარე გუბისწყალში გარდაცვლილი იპოვეს

ბათუმის სახელმწიფო უნივერსიტეტის პროფესორმა ახალგაზრდა გოგოებზე იძალადა

Axios: აშშ და ირანი 60-დღიან ცეცხლის შეწყვეტაზე შეთანხმდნენ

ევროკავშირმა სანქციები დააწესა ოთხი ორგანიზაციისა და სამი ისრაელელი „ექსტრემისტი მკვიდრის“ წინააღმდეგ