2021-09-08 11:58:06, 2292 ნახვა

---

ეკატერინე ტიკარაძე - შაბათს საქართველო "წითელი ჯვრისგან" საჩუქრად 1 000 000 დოზა "სინოფარმის" ვაქცინას მიიღებს

ჯანდაცვის მინისტრის, ეკატერინე ტიკარაძის განცხადებით, შაბათს საქართველო "წითელი ჯვრისგან" საჩუქრად 1 000 000 დოზა "სინოფარმის" ვაქცინას მიიღებს. 

მინისტრის თქმით, ეს ქვეყანას საშუალებას მისცემს ორშაბათიდან "სინოფარმზე" როგორც რეგისტრაცია, ისე ვაქცინაცია განახლდეს.

„იმ მოქალაქეებისთვის, ვინც ირჩევს „სინოფარმს“, სასიხარულო ამბავი გვაქვს - მადლობა მინდა გადავუხადო „წითელ ჯვარს“, რომლისგანაც ჩვენ საჩუქრად 100 ათას დოზა „სინოფარმს“ შაბათს მივიღებთ, რაც მოგცემს საშუალებას ორშაბათიდან კვლავ განახლდეს „სინოფარმზე“ როგორც რეგისტრაცია, ასევე რეგისტრაციის გარეშე ვაქცინაცია. ჩვენ კვლავ ვრჩებით ვაქცინაციის მიწოდების კომპონენტში ფართო ასორტიმენტით“, - განაცხადა ტიკარაძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი