2021-01-11 15:30:49, 650 ნახვა

---

შალვა ნათელაშვილი - ქვეყანაში რეჟიმი შეიცვლება მაშინ, როდესაც ხელისუფლებაში ივანიშვილის ბარტყების ნასახი არ დარჩება

ქვეყანაში რეჟიმის შეცვლა მოხდება მხოლოდ მაშინ, როცა ხელისუფლებაში ივანიშვილის ბარტყების ნასახი არ დარჩება, - ასე ეხმაურება „ლეიბორისტული პარტიის“ ლიდერი შალვა ნათელაშვილი ბიძინა ივანიშვილის პოლიტიკიდან წასვლის საკითხს.

მისი თქმით, ივანიშვილი არსად არ წასულა და წასვლას არც აპირებს.

„გალაქტიონიდან დავიწყოთ, ვიცი ამ წასვლას რაც ეწოდება და დები იშხნელების სიმღერით დავამთავროთ, „არ დაიჯერო, არ დაიჯერო“. ის არსად არ წასულა და არც აპირებს ამას. შესაბამისად, რეჟიმის შეცვლა მოხდება მხოლოდ იმ შემთხვევაში, როდესაც გამოცხადდება ახალი არჩევნების თარიღი და ხელისუფლებაში ივანიშვილის ბარტყების ნასახი არ დარჩება“, - განაცხადა შალვა ნათელაშვილმა.

ცნობისთვის, „ქართული ოცნების“ თავმჯდომარემ, ბიძინა ივანიშვილმა პარტია დატოვა და პოლიტიკიდან მიდის.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი