„ერთიანი ნაციონალური მოძრაობის“  წევრის სერგო რატიანის განცხადებით, 3 დღეა სახალხო დამცველს ვერ უკავშირდებიან.  

რატიანის თქმით, უგულავასთან მიმართებაში საკონსტიტუციო სასამართლოს გადაწყვეტილებიდან გამომდინარე, ბოლო დროინდელი მოქმედებებით,  სახელმწიფომ დანაშაული ჩაიდინა და სახალხო დამცველმა ამ ფაქტზე რეაგირება უნდა მოახდინოს.

„უჩა ნანუაშვილს უკვე სამი დღეა ვერ ვუკავშირდებით. უცნაური სიტუაციაა, როდესაც საკონსტიტუციო სასამართლომ გამოაცხადა, რომ გიგი უგულავა არის უკანონო პატიმარი, როდესაც სახელწმიფომ ფაქტობრივად ჩაიდინა დანაშაული, ამ დროს სახალხო დამცველი გამქრალია.  იძებნება უჩა ნანუაშვილი.  ვისაც მიუწვდება ხმა, უთხრას, რომ გამოგვეხმაუროს და გააკეთოს განცხადება ამ საკითხთან დაკავშირებით“, – აღნიშნა რატიანმა.

ცნობისთვის, „თბილსერვის ჯგუფისა“ და რიყის გასხვისების საქმეზე გიგი უგულავას მიმართ განაჩენს მოსამართლე 22:00 საათზე გამოაცხადებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნატო რუსეთის საზღვრებთან 60 000 ჯარისკაცამდე გააძლიერებს თავის ყოფნას

ოპოზიციურმა ალიანსმა პატიმრების ოჯახებისთვის თანხების შეგროვების კამპანიის დაწყების შესახებ განაცხადა.

გვარამიამ საქართველოში ახალი საპროტესტო აქციები და „ახალი რეალური არჩევნები“ დააანონსა

ზელენსკი: უკრაინა მზადაა საქართველოსთან ორმხრივად სასარგებლო ურთიერთობებისთვის