ავღანეთში, I ქვეითი ბრიგადის მე-13 ბატალიონის სამხედრო მოსამსახურეებმა მშვიდობისმყოფელების დღე აღნიშნეს. ღონისძიება ბაგრამის საავიაციო ბაზაზე, საერთაშორისო სამშვიდობო მისიებში დაღუპული ქართველი სამხედრო მოსამსახურეების მემორიალთან გაიმართა.

ქართველმა და კოალიციური ჯარების სამხედრო მოსამსახურეებმა სამშვიდობო მისიებში დაღუპულთა მემორიალი ყვავილებით შეამკეს. ცერემონიალს ავღანეთის ისლამურ რესპუბლიკაში საქართველოს თავდაცვის ძალების უფროსი სამხედრო წარმომადგენელი, პოლკოვნიკი რობერტ არღვლიანი, ტაქტიკური დაჯგუფება „ჰამერის“ მეთაური, ვიცე-პოლკოვნიკი გლებ მაკდონალდი და ბაგრამის საავიაციო ბაზაზე დისლოცირებული კოალიციური ძალების მოქმედი ქვედანაყოფების მეთაურები დაესწრნენ.

ღონისძიებაზე შესრულდა საქართველოსა და ამერიკის შეერთებული შტატების სახელმწიფო ჰიმნები, რის შემდეგაც წუთიერი დუმილით პატივი მიაგეს საერთაშორისო სამშვიდობო მისიებში დაღუპული სამხედრო მოსამსახურეების ხსოვნას. I ქვეითი ბრიგადის მე-13 ბატალიონის პირად შემადგენლობას სიტყვით საქართველოს თავდაცვის ძალების უფროსმა სამხედრო წარმომადგენელმა და ტაქტიკური დაჯგუფება „ჰამერის“ მეთაურმა მიმართეს. მათ პირად შემადგენლობას გაწეული სამსახურისთვის მადლობა გადაუხადეს და „მტკიცე მხარდაჭერის მისიის“ წარმატებით შესრულება უსურვეს.

ღონისძიების დასასრულს პოლკოვნიკმა რობერტ არღვლიანმა, ვიცე-პოლკოვნიკმა გლებ მაკდონალდმა, I ქვეითი ბრიგადის მე-13 ბატალიონის მეთაურმა, ვიცე-პოლკოვნიკმა ვლადიმერ ნათენაძემ და საზღვაო ქვეითების საქართველოს მეკავშირეთა ჯგუფის უფროსმა, ვიცე-პოლკოვნიკმა შონ ბრედლიმ ბატალიონის პირად შემადგენლობას სამახსოვრო და ფასიანი საჩუქრები გადასცეს.

ავტორი: NS (სტატია დაფინანსებულია),

სოციალური ქსელები

მსოფლიოში გადაადგილებისთვის საუკეთესო ქვეყნების რეიტინგი შედგა: ევროპა ლიდერობს

იზმირში ხალხს პოლიციამ ოპოზიციის ლიდერის მოსმენის უფლება არ მისცა და წყლის ჭავლით დაშალა

CENTCOM: აშშ-ის საზღვაო ძალებმა ბლოკადის დაწყებიდან, ირანთან დაკავშირებული 108 გემი ჩაკეტეს

გუტერეში: მსოფლიოში დაახლოებით 800 მილიონი ადამიანი კვლავ უკიდურეს სიღარიბეში ცხოვრობს