2020-05-20 10:52:49, 12119 ნახვა

---

ეზუგბაია - ბოლო 24 საათში, კორონავირუსის 11 ახალი შემთხვევიდან 9 ბოლნისს, ხოლო 2 საკარანტინე სივრცეს უკავშირდება

თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, ბოლო 24 საათში, კორონავირუსის 11 ახალი შემთხვევიდან 9 ბოლნისს, ხოლო 2 საკარანტინე სივრცეს უკავშირდება.

მისი თქმით, მკურნალობაზე მყოფ პაციენტებსა და  გამოჯანმრთელებულებს შორის სხვაობა 237-ს შეადგენს.

„დღევანდელი მონაცემებით, კოვიდ ცენტრებში მკურნალობს 226 პაციენტი. მკურნალობაზე მყოფ პაციენტებსა და  გამოჯანმრთელებულებს შორის სხვაობა 237-ს შეადგენს. 11 ახალი ინფიცირებულიდან ყველა ცნობილი წყაროდანაა. 11-დან 9 ბოლნისიდანაა, რომელიც არიან სოფელ გეტადან და მუშევანიდან. ისინი არიან დადასტურებული შემთხვევების კონტაქტები. 2 შემთხვევა კი არის საკარანტინე სივრცეში, ოღონდ თვითიზოლაციაში მყოფი 2 პაციენტი“, - განაცხადა მარინა ეზუგბაიამ.

---

ავტორი: ლუკა ცარციძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი