2020-05-01 23:32:20, 14684 ნახვა

---

სოფელ მუშევანში, ადგილობრივმა მოსახლეობამ ექიმებს COVID-19-ით ინფიცირებულის გადაყვანის უფლება არ მისცა

ბოლნისის მუნიციპალიტეტის სოფელ მუშევანში, ადგილობრივმა მოსახლეობამ ექიმებს კორონავირუსით ინფიცირებულთა კლინიკაში გადაყვანის საშუალება არ მისცა.

გავრცელებული ინფორმაციით, კორონავირუსით ინფიცირებული პაციენტების კლინიკაში გადასაყვანად ერთ-ერთ ოჯახში სასწრაფო სამედიცინო დახმარების ექიმები, სამართალდამცავები და სოფლის რწმუნებული მივიდნენ, ოჯახის ახლობლებმა კი მათ წინააღმდეგობა გაუწიეს.

"იყო გარკვეული დაპირისპირება, თუმცა დეტალები - დაზიანებულია, ნაცემია თუ სხვა ინფორმაცია მე არ მაქვს. სოფელში ადგილობრივი საზოგადოება იყო ნასვამი და მოხდა რაღაც ინციდენტი. მეტი არაფერი ვიცი,"- აცხადებს ბოლნისის მაჟორიტარი დეპუტატი, ფრაქცია "ქართული ოცნება - რეგიონების განვითარებისთვის" თავმჯდომარის მოადგილე გოგი მეშველიანი.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი