2020-04-24 12:18:46, 6482 ნახვა

---

აჭარის ჯანდაცვის მინისტრის მოადგილე - გამოვლინდა კორონავირუსით ინფიცირების ერთი ახალი შემთხვევა, რომელიც ე.წ. ქობულეთის კლასტერიდანაა

აჭარის ჯანდაცვის მინისტრის მოადგილის, ნინო ნიჟარაძის განცხადებით, აჭარაში კორონავირუსით ინფიცირების ერთი ახალი შემთხვევა დაფიქსირდა.

ნიჟარაძის თქმით, ინფიცირებული ე.წ. ქობულეთის კლასტერთანაა დაკავშირებული, რომელიც თვითიზოლაციაში იმყოფებოდა.

„გუშინ დღის განმავლობაში ორივე ლაბორატორიაში 180 ნიმუში შევიდა, საიდანაც ერთი ახალი დადასტირებული შემთხვევა გამოვლინდა, რომელიც ქობულეთის კლასტერთან არის დაკავშირებული. ის თვითიზოლაციაში იმყოფებოდა. კორონავირუსით ინფიცირებულს ოჯახის გარდა, სხვა პირებთან კომუნიკაცია არ უფიქსირდება და შემხებლობაში მოსახლეობის სხვა ჯგუფებთან არ იყო. ამ წუთებში ინფიცირებული პირი კლინიკა „მედალფაში“ გადაჰყავათ. ქობულეთის კლასტერთან დაკავშირებული 35 ინფიცირებული გვყავს“, - განაცხადა ნინო ნიჟარაძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი