საქართველოს ეკონომიკისა და მდგრადი განვითარების მინისტრ გიორგი კვირიკაშვილის განცხადებით, მნიშვნელოვანია, რომ ქვეყანაში არსებობდეს ის მინიმალური  სტანდარტები, რასაც საზოგადოებრივი ტრანსპორტი უნდა აკმაყოფილებდეს.

როგორც კვირკაშვილმა ჟურნალისტებს განუცხადა, ამ კუთხით გარკვეული რეგულაციების დანერგვაა საჭირო, რათა ქვეყანაში მინიმალური უსაფრთხოების დონე უზრუნველყოფილი იყოს.

"ზოგადად,  საჯარო ტრანსპორტი არის რეგულირების სფერო ყველა ქვეყანაში.ძალიან მნიშვნელოვანია ქვეყანაში გადაზიდვების უსაფრთხოების უზრუნველყოფის თვალსაზრისით,  მათ შორის  ტურიზმის განვითარებისთვისაც, არსებობდეს ის მინიმალური სტანდარტები, რასაც უნდა აკმაყოფილებდეს საზოგადოებრივი ტრანსპორტი. ამ კუთხით,  რა თქმა უნდა, გარკვეული რეგულაციების  დანერგვა საჭიროა. არ უნდა მივიჩნიოთ,  რომ ეს არის რაიმე კუთხით  ბიზნესგარემოს დამძიმება, ეს არის ქვეყანაში მინიმალური უსაფრთხოების დონის უზრუნველყოფა, რათა განვითარდეს ტურიზმი და უსაფრთხო იყოს სამოქალაქო ტრანსპორტი",-განაცხადა გიორგი კვირიკაშვილმა.

ცნობისთვის, საუბარია ტრანსპორტთან დაკავშირებით ახალი პროექტის მიღებაზე, რომელიც  გარკვეული რეგულაციების შემოღებასა და ლიცენზიებს ითვალისწინებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი სომხეთიდან ხილისა და ბოსტნეულის იმპორტს ზღუდავს

ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია