დიდ დიღომში არსებული კომპანიები და მოსახლეობა დაზარალებულებს დახმარებას სთავაზობენ

2019-01-16 23:48:39, 4158 ნახვა

სხვადასხვა

სოციალურ ქსელში კომპანიაბი თუ ინდივიდუალური მეწარმეები, რომლებსაც ტრაგედიის ახლო მახლოს ობიექტები აქვთ, დაზარალებულ მოსახლეობას დახმარებას სთავაზობენ.

"მივმართავთ დღეს კორპუსის აფეთქების შედეგად დაზარალებულებს: მეგობრებო ვინც ხართ გარეთ ბავშვებით და ვერსად ვერ მიდიხართ, თუ რამით შემიძლია დაგეხმაროთ კაფე აპეტიტო / Apatito-ში , შეგიძლიათ მობრძანდეთ ყავა, ჩაი, საჭმელი და როთიც შევძლებთ თქვენს გვერდში ვიქნებით. გარდაცვლილის ოჯახებს ვუზიარებ ამ დიდ ტრაგედიას დაგვიკავშირდით 557 38 14 14 რა თქმა უნდა სრულიად უსასყიდლოდ " - წერენ კომპანიის წარმომადგენლები.

პეპიტოს სახლი მოუწოდებს მშობლებს, მიიყვანონ ბავშვები მათ ობიექტში, სადაც გაართობენ პატარებს.

"თუ პატარები შეშინებული არიან, ვერ ამშვიდებთ, არ ვკეტავთ მაღაზიას. მოიყვანეთ, ბუშტებს ვაჩუქებთ, გავართობთ, სათამაშოებს მივცემთ, ტკბილეული, რაც შეგვეძლება, ყველაფერს გავაკეთებთ მათი სტრესიდან გამოსაყვანად, შემდეგ მშვიდად დაძინება რომ შეძლონ.

თქვენ გვერდით ვართ. - ჯეპეტოს სახლი მირიან მეფის 100"