სერ გარი ჯონსონის ვიზიტი სახელმწიფო უსაფრთხოებისა და კრიზისების მართვის საბჭოს აპარატში

2017-06-12 17:41:48, 941 ნახვა

სხვადასხვა

სახელმწიფო უსაფრთხოებისა და კრიზისების მართვის საბჭოს მდივანი მინდია ჯანელიძე დიდი ბრიტანეთის მთავრობის მრჩეველს უსაფრთხოებისა და კრიზისების მართვის საკითხებში სერ გარი ჯონსონს შეხვდა.

შეხვედრაზე მხარეებმა ისაუბრეს ორ ქვეყანას შორის უსაფრთხოებისა და კრიზისების მართვის სფეროში არსებულ პარტნიორულ ურთიერთობებზე, საქართველოში უსაფრთხოების პოლიტიკის დაგეგმვის პროცესზე.

ასევე საუბარი შეეხო ნატო საქართველოს ფორმატში კრიზისების მართვის სფეროში თანამშრომლობის საკითხებს.

შეხვედრის დროს მინდია ჯანელიძემ სერ გარი ჯონსონს კრიზისების მართვის სფეროში მიმდინარე და დაგეგმილი პროექტები გააცნო, თავის მხრივ სერ გარი ჯონსონმა უსაფრთხოების და კრიზისების მართვის სფეროში ქართულ -ბრიტანული თანამშრომლობის გაღრმავების და ერთობლივი პროექტების განხორციელების მზადყოფნა გამოთქვა.

(NS)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან