წეროვანის რეაბილიტაციის ცენტრში საქართველოს შეიარაღებული ძალების გენერალური შტაბის უფროსმა, გენერალ-მაიორმა ვახტან კაპანაძემ გამწვანების აქციაში მიიღო მონაწილეობა.

თავდაცვის სამინისტროს ინფორმაციით, ნაძვის ხის ნერგები რეაბილიტაციის პროგრამაში მონაწილე სამხედრო მოსამსახურეებთან ერთად, წვრთნებისა და სამხედრო განათლების სარდალმა, პოლკოვნიკმა ლევან ბერიამ, დასავლეთ ოპერატიული დაჯგუფების ხელმძღვანელმა, პოლკოვნიკმა მიხეილ სადუნიშვილმა  და გენერალური შტაბის სხვა მაღალი რანგის ოფიცრებმაც დარგეს.

„ეს არის ადგილი,  სადაც ჩვენი დაჭრილი მებრძოლები ძალებს აღიდგენენ. ჩვენ პერიოდულად ვახერხებთ, რომ ამ მშვენიერ ადგილზე მათ ოჯახებთან ერთად შეძლონ დასვენება. ამ ცენტრს ძალიან დიდი განვითარების შესაძლებლობა გააჩნია. ჩვენ, სამხედროები ჩვენი მებრძოლების გვერდში ვდგავართ“, -  ვახტანგ კაპანაძემ.

ამჟამად, წეროვანის რეაბილიტაციის ცენტრში 2008 წლის აგვისტოს ომსა და ISAF-ის საერთაშორისო მისიაში დაშავებული 13  სამხედრო მოსამსახურე იმყოფება. I, II და III ქვეითი ბრიგადის სამხედროები ცალკეული სამედიცინო ბატალიონის მედპერსონალის მუდმივი მეთვალყურეობის ქვეშ არიან.  მათ ასევე, ემსახურებიან ფსიქოლოგები და ფსიქიატრები. რეაბილიტაციის ცენტრის პერსონალი სამხედროებს 24 საათიან სამედიცინო მომსახურებას უწევს. საჭიროების შემთხვევაში, ხდება საჭირო პროფილის ექიმის ადგილზე გამოძახება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი სომხეთიდან ხილისა და ბოსტნეულის იმპორტს ზღუდავს

ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია