ექსპერტი სამხედრო საკითხებში გიორგი თავდგირიძე რუსული თვითმფრინავის ჩამოვარდნასთან დაკავშირებით, სოციალურ ქსელში საქართველოს მოქალაქეების პოსტებს გამოეხმაურა.

„მესმის რომ მებრძოლი ერის შვილები, თუნდაც მტრის სიკვდილს კრძალვით ებყრობიან. მაგრამ არ მესმის ქვეყნის თავმოყვარე მოქალაქე, სამხედრო დავალებაზე მიმავალ ( თან ძალიან სამარცხვინო დავალებაზე) მტრის ქვედანაყოფს რატომ უნდა დასტიროდეს? მით უმეტეს როცა არც ომის იარაა მოშუშებული და არც მტრის მტრობა დასრულებული“, - წერს გიორგი თავდგირიძე.

ცნობისთვის, გუშინ რუსეთის თავდაცვის სამინისტროს თვითმფრინავმა კატასტროფა განიცადა.  Tu-154-ის ტიპის თვითმფრინავი სოჭიდან სირიის ქალაქ ლატაკიაში მიემგზავრებოდა, სადაც  წინასაახალწლო კონცერტი იყო დაგეგმილი.  მათ სირიაში დისლოცირებული რუსული ბაზისთვის ახალი წელი უნდა მიელოცათ. თვითმფრინავის ნამსხვრევები  სოჭში, შავი ზღვის სანაპიროზე აღმოაჩინეს.

თვითმფრინავში, სამხედროებთან ერთად,  ცნობილი ჟურნალისტები, გადამღები ჯგუფები, რუსეთის ფედერაციის ჰუმანიტარული ფონდის „სამართლიანი დახმარება“ ხელმძღვანელი,  გაეროს კეთილი ნების ელჩი ელიზაბეტა გლინკა, ცეკვისა და სიმღერის ანსამბლის წევრები იმყოფებოდნენ. საერთო ჯამში ბორტზე 83 მგზავრი და რვა ეკიპაჟის წევრი იყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი სომხეთიდან ხილისა და ბოსტნეულის იმპორტს ზღუდავს

ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია