მართლმადიდებელი ეკლესია დღეს 40 სებასტიანელი მოწამის ხსენების დღეს აღნიშნავს. თბილისის მერი დავით ნარმანია, საკრებულოს თავმჯდომარე გიორგი ალიბეგაშვილთან და საკრებულოს წევრ ჯაბა სამუშიასთან ერთად, ორმოცი სებასტიელი მოწამის სახელობის მამათა მონასტერში იმყოფებოდა.

თბილისის მერმა მოსახლეობას 40 სებასტიანელიმოწამისხსენების დღე მიულოცა და აღნიშნა, რომ ქრისტიანული სამყაროსთვის ეს ძალიან მნიშვნელოვანი დღეა.

დავით ნარმანიამ მონასტერთან არსებულ საცავში ამავე ტერიტორიაზე არქეოლოგიური გათხრების შედეგად აღმოჩენილი უძველესი ნივთებიც დაათვალიერა.

„მიმდებარე ტერიტორიაზე, არქეოლოგიური გათხრების შედეგად, უძველესი ნივთებია აღმოჩენილი. თბილისის მერია აგრძელებს ამ მიმართულებით მუშაობას. წლევანდელ ბიუჯეტში არქეოლოგიური გათხრების საწარმოებლად თანხა გათვალისწინებული გვაქვს. სულ მალე შესაბამისი კომისია რამდენიმე პროექტს დააფინანსებს, რის შემდეგაც არქეოლოგები ამ და დამატებით რამდენიმე ადგილის შესწავლას დაიწყებენ“, - განაცხადა თბილისის მერმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გორში, პოლიციის განყოფილებასთან ხმაურია - ვიდეო

გიგა ავალიანის საქმეზე ბრალდება კიდევ ორ პირს წარედგინა, დაკავებულია ირაკლი სულაბერიძე და დემეტრე კასრაძე

ევროკავშირმა Temu 200 მილიონი ევროთი დააჯარიმა

კობახიძე: ზვიად ხარაზიშვილს ეკუთვნოდა ღირსების ორდენი, დაგვიცვა გადატრიალების მცდელობისგან