სოფლის მეურნეობის მინისტრი ლევან დავითაშვილი  შპს „საქართველოს მელიორაციის" გენერალურ დირექტორ ლევან დვალთან და ადგილობრივი ხელისუფლების წარმომადგენლებთან ერთად, სენაკის მუნიციპალიტეტში,  ტეხურას მდინარეთაშორის მასივზე ახალსოფლის დამშრობი სისტემის სარეაბილიტაციო სამუშაოებს ადგილზე გაეცნო.  

სოფლის მეურნეობის სამინისტროს ინფორმაციით, სენაკის მუნიციპალიტეტის სოფელ ახალსოფელში  ცივა-ტეხურას მდინარეთაშორის მასივის დამშრობი სისტემის 50 კილომეტრიანი მონაკვეთის რეაბილიტაცია მიმდინარეობს.  დღეისათვის სამუშაოები უკვე  ჩაუტარდა 39 კმ სადრენაჟე არხს. სარეაბილიტაციო პროექტის ფარგლებში მოხდება, ასევე,   დაზიანებული მილხიდების ახლით ჩანაცვლება. პროექტის დასრულების შემდეგ, 2017 წლის მარტისათვის, სადრენაჟე მომსახურბა აღდგება სოფელ ახალსოფლის 690 ჰექტარ მიწის ფართობზე. სარეაბილიტაციო პროექტის ღირებულებაა 679 000 ლარი.

2012 წლიდან დღემდე სამეგრელოს რეგიონში  სამელიორაციო ინფრასტრუქტურის  სარეაბილიტაციო პროგრამის ფარგლებში აღდგენითი სამუშაოები ჩაუტარდა 400 კმ-ზე მეტ სადრენაჟე არხს, ხოლო ტექნიკური ექსპლუატაციის ფარგლებში მოწესრიგდა 379 კმ სადრენაჟე არხი.  შედეგად დრენირებული მიწის ფართობი 10 000 ჰექტრიდან 16 540 ჰექტრამდეა გაზრდილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე: ზვიად ხარაზიშვილს ეკუთვნოდა ღირსების ორდენი, დაგვიცვა გადატრიალების მცდელობისგან

კობახიძე: დახვეწილი ხელწერაა, როცა ხელისუფლებას აქვს ჯანსაღი რეაქცია სამართალდარღვევაზე

ევროკავშირი უკრაინას თითქმის 2.8 მილიარდ ევროს გამოუყოფს

შს მინისტრის მოადგილე გორში პოლიციელების მხრიდან მოქალაქის ცემას სამწუხარო ფაქტს უწოდებს