ნანუაშვილი: ტრანსგენდერზე მომხდარი თავდასხმის საქმის შესწავლისას, სიძულვილის მოტივი ნაკლებად იყო განხილული

2016-10-17 13:27:46, 1708 ნახვა

სამართალი კომენტარი

სახალხო დამცველის უჩა ნანუაილის შეფასებით, ტრანსგენდერზე მომხდარი თავდასხმის საქმის შესწავლის დროს, სიძულვილის მოტივი ნაკლებად იყო განხილული.

როგორც ნანუაშვილმა აღნიშნა, განსხვავებული ორიენტაციის მქონე ადამიანების მიმართ, საზოგადოების მხრიდან დისკრიმინაციული მიდგომა არსებობს.

„მსგავსი დანაშაულის გამოძიების დროს, სამწუხაროდ, სიძულვილის მოტივი რომ იკვეთებოდა, ნაკლებად იყო განხილული და შესწავლილი. საქმის შესწავლისას ნაკლები ყურადღება ექცეოდა იმას, რომ ამ ადამიანების მიმართ საზოგადოებაში დისკრიმინაციული მიდგომა არსებობს. ამიტომაც, ჩვენ გვინდა დარწმუნებულები ვიყოთ, რომ საგამოძიებო ირგანოები მაქსიმალურ ყურადღებას გამოიჩენენ, იყო თუ არა ეს დანაშაული სიძულვილით მოტივირებული“, -განაცხადა უჩა ნანუაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან