"საქართველოს პატრიოტთა ალიანსის" წევრებმა დღეს მორიგი აქცია საქართველოში ევროკავშირის წარმომადგენლობის ოფისის წინ გამართეს. 
ალიანსის წევრებმა  სენატორ ჯონ მაკკეინის,  კონგრესმენ მაიკლ  ტერნერისა და ევროპარლამენტის საგარეო კომიტეტის თავმჯდომარე ელმარ ბროკის მიერ, სააკაშვილთან დაკავშირებით,  ინტერპოლისადმი გაგზავნილი  განცხადებები კიდევ ერთხელ გააპროტესტეს.  "პატრიოტთა ალიანსის" გენერალური  მდივნის, ირმა ინაშვილის, განმარტებით, აქციების მიზანია, საქართველოს პარტნიორებს აუხსნან, რომ ქართველების უმთავრესი მოთხოვნა, დემოკრატიის პატივისცემა და დაცვაა.
ინაშვილის აზრით, სააკაშვილთან დაკავშირებით, ჯონ მაკკეინის,   მაიკლ  ტერნერისა და  ელმარ ბროკის განცხადებები, ქართველი ხალხის შეურაცხყოფა და მართლმსაჯულების უპატივცემულობაა.
 "ესაა ე.წ. ლოკალური აქციების ციკლი. ჩვენ უკვე შევიკრიბეთ საგარეო საქმეთა სამინისტროსთან, ნატოს სამოკავშირეო ოფისთან, დღეს ვიყავით საქართველოში ევროკავშირის წარმომადგენლობის ოფისთან. აქციების მიზანია, ჩვენს პარტნიორებს მორიგჯერ ავუხსნათ, რომ ქართველი ხალხის უმთავრესი მოთხოვნა  ჩვენი დემოკრატიის პატივისცემა და დაცვაა. როცა სენატორი მაკკეინი, კონგრესმენი ტერნერი და სხვა ცნობილი პოლიტიკოსები ინტერპოლს მიმართავენ მოთხოვნით- არ გამოცხადდეს სააკაშვილზე ძებნა, ესაა ქართველი ხალხის შეურაცხყოფა, ჩვენი მართლმსაჯულების უპატივცემულობა",-განაცხადა ირმა ინაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გორში, პოლიციის განყოფილებასთან ხმაურია - ვიდეო

გიგა ავალიანის საქმეზე ბრალდება კიდევ ორ პირს წარედგინა, დაკავებულია ირაკლი სულაბერიძე და დემეტრე კასრაძე

ევროკავშირმა Temu 200 მილიონი ევროთი დააჯარიმა

კობახიძე: ზვიად ხარაზიშვილს ეკუთვნოდა ღირსების ორდენი, დაგვიცვა გადატრიალების მცდელობისგან