„არის თუ არა სწორი ყოველთვის ბიძნა ივანიშვილი, როცა კომენტარს აკეთებს? – არა, ისევე, როგორც მე არ ვარ ყოველთვის მართალი“, – ამის შესახებ პარლამენტის თავჯდომარემ დავით უსუფაშვილმა ჯორჯ–თაუნის უნივერსიტეტში განაცხადა. 

მისივე თქმით, მიუხედავად იმისა, რომ ივანიშვილი პოლიტიკიდან წავიდა,იგი გავლენას მაინც ინარჩუნებს. 

„ბიძინა ივანიშვილს არასდროს უთქვამს, რომ ის ქვეყნიდან გაქრებოდა, მან თქვა მხოლოდ ის, რომ პოლიტიკიდან აქტიურ საზოგადოებრივ ცხოვრებაში გადავიდოდა. მან დაარსა არასამთავრობო ორგანიზაცია „ მოქალაქე“  და სურს იყოს აქტიური ამ კუთხით. მისი კომენტარები და აზრი არ არის მხოლოდ ერთი რიგითი მოქალაქის პოზიცია საქართველოში, რადგან ის ინარჩუნებს დიდ გავლენას, პატივისცემას და ნდობას საზოგადოებისგან და იმ პოლიტიკური ძალისგან, რომელიც დაარსა. მისი ზეგავლენა რჩება და ამას არც ვუარყოფ. არის თუ არა ის სწორი  ყოველთვის, როცა  კომენტარს აკეთებს?! – არა, ისევე, როგორც მე არ ვარ ყოველთვის მართალი. ის ადამიანია“, – აღნიშნა უსუფაშვილმა. 

პარლამენტის თავჯდომარის მოსაზრებით, ივანიშვილი პოლიტიკიდან არ უნდა წასულიყო, რადგან იმ პოლიტიკური ძალის შექმნის პროცესი დაესრულებინა, რომელიც დაარსა.  

„მიზეზი,თუ რატომ წავიდა ის პოლიტიკიდან, არის ის, რომ მას არ სურდა მესიას ტრადიციის გაგრძელება საქართველოში, რაც აქამდე ხდებოდა. მე ვურჩევდი ბიძინა ივანიშვილს, რომ არ წასულიყო ასე ადრე, იმისთვის, რომ  დაესრულებინა პოლიტიკური ძალის შექმნის პროცესი. სამწუხაროდ ის წავიდა, თუმცა მისი გავლენა არ გამქრალა“, – განაცხადა დავით უსუფაშვილმა.  

დავით უსუფაშვილის კომენტარის თარგმანი, "რუსთავი 2"–მა გაავრცელა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გიგა ავალიანის საქმეზე ბრალდება კიდევ ორ პირს წარედგინა, დაკავებულია ირაკლი სულაბერიძე და დემეტრე კასრაძე

ევროკავშირმა Temu 200 მილიონი ევროთი დააჯარიმა

კობახიძე: ზვიად ხარაზიშვილს ეკუთვნოდა ღირსების ორდენი, დაგვიცვა გადატრიალების მცდელობისგან

კობახიძე: დახვეწილი ხელწერაა, როცა ხელისუფლებას აქვს ჯანსაღი რეაქცია სამართალდარღვევაზე